[A:76a]'khrul gzhi chung ba gnyis su mdzad nas/ dang po la/ spyir rnal 'byor pa'i rten dkyil 'khor bzhi grub tsam nas sku bzhi rang bzhin lhun gyis grub pa yin pas gcig la mtshon na sprul 'khor gyi dbus kyi aM rtsar grub tsam nas sprul sku rang bzhin lhun grub/ yi ge'i gzugs su grub tsam na longs sku/ de'i bdud rtsi grub tsam na chos sku/ thams cad la khyab pa'i rlung grub tsam na ngo bo nyid kyi sku grub pa yin no/ /de lta bu'i lus kyi aM yig de zhal phyag gi rnam par grub pa ni rin 'byung yin la/ rin 'byung de rtsa yi ge'i rnam par gnas pa ni sprul 'khor gyi dbus kyi aM yig go /de ltar kha sbyor dang / bde mchog rtsa rgyud las bshad la/ de bzhin du 'khor lo gzhan rnams la'ang shes par byas la 'bras bu la zhen cing lam la zhugs pas lus kyi rtsa yig la sogs pa lhar mthong ba sogs kyi gsal snang khyad par can skyes pa'i tshe lus dkyil mthong ba zhes bya/ mthar dkyil 'khor bzhi po de las logs su sku bzhi btsal mi dgos par yon tan gyi tshogs yar ldan du gyur pa de nyid la 'bras bu mthar thug ces bya'o/ /de lta bu'i go ba rags pa tsam yod pa'i gang zag la aM yig las logs pa'i rin 'byung zhig bskyed chog gi sgo nas gsar du bskyed dgos pa'i dogs pa mi 'byung bas ngag 'don gang byas kyang don la 'gal ba med gsungs/ don tshan gnyis pa la/ dang po'i las can 'ga' zhig la aM las rin 'byung zhes sogs byas na phyi dkyil ltar aM yongs su gyur pa las byung ba'i rin 'byung zhig cho gas bskyed dgos pa'i dogs pa skye srid pas