[A:76b]'khrul gzhi de mi 'byung ba dang / yi ge de ltar go ba'i phyir ngag 'dod ltar mdzad pa yin gyi/ las zhes pa'i tshig de nor zhes pa'i don min pas de tsam la dgag sgrub byed pa blo gros chung ba yin/ bshad mdzod ma dang / sga theng ma las bshad pa de kho bo cag kyang 'dod la/ de dag tu bskyed pa dang rang bzhin gyis grub pa gnyis 'gal lo snyam na/ de ni chos lugs 'di las phyi rol du gyur pa yid srubs kyi gsang tshig snying la zhugs pa'i bshes gnyen gzhan lus la lha bskyed pa dang lus dkyil gyi khyad par ma phyed ces sun 'byin 'phangs mkhan dag gi rjes su khyed kyang zhugs pa'o/ /'o na slob dpon rin po ches bhUM la sogs pa pho brang lnga'i sa bon du bshad pas phyi dkyil ltar lha rnams sa bon las bskyed pa las 'os med do snyam na/ dogs pa de 'ga' zhig la skye srid pa la dgongs nas ngag 'don de ltar mdzad pa yin la/ slob dpon rin po che'i gsung gis ni bhrUM la sogs pa pho brang lnga'i gtso bo rnams kyi sa bon du bstan gyi/ lus dkyil gyi tshe sa bon de rnams las bskyed dgos pa ma bstan no/ /'o na ci snyam na lam dus kyi rig pa'i dbang lnga'i rigs lnga pho brang lnga'i gtso bor gnas gyur pa lta bu'i tshe rgyu dbang dang mthun par rdo rje'i cho ga las bskyed pa'am sa bon las bskyed na bhrUM la sogs pa las bskyed ces pa yin gyi/ lus dkyil gyi tshe sa bon bhrUM sogs las bskyed pa'i don ma yin te/ de yin par khungs thub kyi gzhung bshad dag las ma bshad pas/ sa chen gyi gsung dang 'gal ba zhig slob dpon rin po che'i dgongs par bsgrubs na slob dpon rin po che la skur