[A:79b]cad lhar khas len dgos te bskyed rim gyi sbyang gzhi sbyong byed sbyar ba'i rigs pas dpyad pa'i tshe lha ma yin pa'i snang ba gang yang med pa'i phyir ro/ /gsum pa'i tshe lha yin pa dang ma yin pa sogs mtha' gang yang khas mi len te/ spros pa thams cad dang bral ba'i phyir ro zhes gnas skabs gsum du phye nas gsungs pa ltar 'dir yang 'chad dgos shing / de ltar bshad pa de'i tshe gnas skabs dang po'i tshe sangs rgyas dang sems can sogs 'di dang 'di'o zhes so sor 'byed pa 'jig rten mthun 'jug ltar khas len dgos shing / de bzhin du aM dang rin 'byung yang so so ba yin pas aM las logs su gyur pa'i rin 'byung 'dod dgos shing / gnas skabs gnyis pa'i tshe snang ba thams cad sems su khas len pas na sems las logs su gyur pa'i phyi rol gyi don med ces 'chad pa dang tshul mtshungs par lus dkyil sgom pa'i tshe'ang aM de nyid ka rin 'byung du sgom pa yin zhing / de ltar bsgom pa'i rnal 'byor pa de'i blo ngo na rang gi sprul 'khor gyi dbus su aM las logs su gyur pa'i rin 'byung med de/ de'i aM de nyid ka rin 'byung du bsgom pa yin gyis de las logs su gyur pa'i rin 'byung bsgom rgyu ma yin pas so/ /gnas skabs gsum pa'i tshe spros pa thams cad dang bral bas na aM las logs su gyur pa'i rin 'byung yod med kyi spros pa'ang bkag ste brjod pa dang sgom pa sogs thams cad khas len dang bral ba zhig tu 'chad dgos pa 'dra snyam te dpyad par bya'o/ /des na sgyi chu ba buddha shrI'i aM las logs su gyur pa'i rin 'byung 'dod dgos te/ aM las