[A:82b]rdzogs rim ston byed du 'chad kyang / man ngag gi tshe lus dkyil gyi khungs su grub pa dang / rgyud kyi tshig re re la'ang spyi sbas mthar thug gi bshad pa du ma bya rgyu yod cing bya bar yang / thams cad mkhyen pa'i bka' ni rgya mtsho bzhin/ /zhes sogs kyis bstan no/ TIka chen gyi dngos bstan ni rgyud 'chad pa'i tshe lus dkyil ston byed du skabs su ma babs pas ma bshad pa yin gyi/ don dang ma 'brel ba ma yin te/ lus dkyil 'di dag rdzogs rim gyi ye shes 'dren pa'i thabs su gsungs la/ TIka chen der gzhung de rdzogs rim gyi ye shes ston byed du gsungs pa'i phyir/ de ltar na lung de'i don man snyer/ 'khor lo lnga'i dbus su lha mo lnga bskyed pa'i lus dkyil du dngos su bshad la/ de'i tshe tshig rkang phyi ma gnyis 'khor lo drug pa rnams kyi de'i khungs dang / lnga pa'i tshe rigs bdag ston par phyag rgya bzhi pa'i lung gis grub bo zhes pa'i don yin pas/ zin so 'di bzhin yod phyin rang blos sbyar bar sems pa ni phyogs 'dzin yin no/ gal te lung des lus dkyil ye ma bstan na/ gzhan 'khor lo drug pa dngos bstan gyi kye rdor rgyud gsum gyi lung khungs bstan dgos/ des na chos rjes/ 'di mtha' 'di tsam kho nar gnas so zhes/ /zhes sogs gsungs pa ltar phyogs gcig la ma zhen pa dgos so zhes gsungs/ gnyis pa la/ khyod kyis phyag rgya bzhi pa ma mthong bzhin du de'i don 'khor lo drug par 'chad pa 'ol tshod de/ phyag rgya bzhi pa las/ rnal 'byor chos mchog rang gi lus/ /grub pa'i dkyil 'khor skad cig lta/ /lte ba drug cu rtsa bzhi'i