[A:83b]dag ma byung ba dang / 'khor lo drug phyogs gcig tu bshad na/ rnam snang la sogs sangs rgyas rnams/ /'khor lo'i dbus su rol zhing gnas/ /zhes spyi sdom phyogs cig tu byas nas/ rgyal chen 'khor los sgyur ba drug /ces bshad chog pa las de mi 'byung bar 'khor los sgyur ba lnga phyogs gcig tu bshad zin nas/ kun gyi dbang bskur gnas su ni/ /zhes 'byung ba ji ltar yin rnam dpyod kyi blo gros yod na da chod cig ces gsungs/ gsum pa la rdo rje sems dpas rgyas btab dang / rang rigs kyi gtso bo rigs lnga gang rung gi rgyas gdab gnyis mi 'gal bas/ khyod kyi rdo rje sems dpa' ni rigs lnga po rang rang gi rgyu rdo rje 'dzin pa yin pas rang rigs kyi rgyas gdab kyang yin/ rdo rje sems dpa'i rgyas gdab kyang yin pas don cig ces pa des kho bo cag gi 'dod pa bsgrub pa yin gsungs/ don tshan dang po'i gnyis pa la/ sras don ma'i rgyas gdab dang po dang / 'phags pa'i dgongs pa mi 'gal bar 'chad pa gnyis char mthun la/ sras don ma'i phyi ma kha cig dbu rgyan rang chas su bsgom pa la 'dod kyang / de ni dmigs pa bsgom sla ba'i phyir yin cing / gzhan lha thams cad la rang rigs kyi rigs lnga gang rung gi rgyas 'debs rung ba phyag rgya bzhi pa las 'byung ba dang / gong ma'i bshad pa kho bo cag gi ngag 'don rnams gnad gcig pas rgyun gyi nyams len la spros pa'i bye brag gis ci rigs rung ngo / /des na rdor sems rigs thams cad kyi bdag po dang / rigs lnga char gyi rgyu rdor 'dzin yin pas nges gsal med pa rnams la des rgyas 'debs