[A:84a]rung ba yin la/ 'on kyang rgyu rdor 'dzin rigs drug par bshad pas rgyu rdor 'dzin yin na rigs lnga po gang rung yin mi dgos pas rang rigs zhes bya'o zhes gsungs so/ de bzhin du don bsdus don brgyad pa las/ lus dkyil lha la rdor sems kyi/ /rigs bdag bshad pa de nor na/ /'phags pas lus dkyil gtso bo la/ /rdor sems rigs bdag bshad pa de/ /rnam pa kun du 'dor dgos so/ /gal te 'phags pas bshad pa de/ /rdor sems rigs bdag rigs lnga yi/ /rgyu yi rdor 'dzin yin pa'i phyir/ /de la 'gal ba med ces smra/ /de lta na ni lha kun gyis/ /rigs bdag rigs lnga'i rgyu rdor 'dzin/ /rdo rje sems dpa' yin pas na/ /gtso bo kun la rdor sems kyis/ /rgyas 'debs byed pa grub pa'i phyir/ /skabs kyi rtsod pa sprin bzhin dengs/ /zhes dang / phyag rgya bzhi pa'i dngos bstan de/ /pho brang drug par khyed 'dod na/ /pho brang lnga la rtsa 'dab dang / 'khor sogs bshad nas drug pa la/ /de dag mi 'byung ba de ci/ /spyi gtsug 'khor lo zhes pa de/ /phyag rgya bzhi po gang du 'dus/ /phyag rgya bzhi ru ma 'dus pa'i/ /phyag rgya bzhi pa gad mo'i gnas/ /'khor los sgyur ba drug yod na/ /rgyal chen 'khor los sgyur ba lnga/ /zhes pa'i gzhung de nor ram ci/ /zhes gsungs pa yin no/ /de rnams kyi yang lan du mkhan chen bzang bkras pas snyan brgyud 'khrul sel las/ thog mar mus srad pa chen po'i bzhed pa bkod/ de la tshangs pa'i rigs sngags su skyon brjod mdzad tshul bshad pa'i rjes su/ a