[A:92a]ltar/ /bcas 'gal dogs pas rtsa ltung ste/ /bcas 'gal med na'ang bstan pa bsams/ /tshogs 'khor med phyir mi 'gal na/ /'o na de 'dra'i dgos med pa'i/ /rab byung tshogs 'khor rung bar mthun/ /bstan la phan nam min yang rung / /dgos pa gtso bor rje btsun bzhed/ /chang ni 'o mar bsgyur nus pa/ /tshogs 'khor 'chad dus khyed nyid 'dod/ /'o ma'i ltung ba'i nyes pa gang / /de la ma dad gang la 'ong / /bstan la'ang gnod par ji ltar 'gyur/ /nad la gnod pa'ang dka' pa yin/ /gzhan gyi rab byung tshogs 'khor dus/ /sha chang bsten zhes snod min bsgrags/ /rang gis tshogs 'khor ma byas pas/ /khyed la ltung ba gnyis su 'gyur/ /tshogs 'khor ma byas rtsa ltung ste/ /ma bsten pa zhes rtsa ba dang / /'grel par dam rdzas mi bsten zhes/ /ma mthong phyogs mthong gzhan la smod/ /rang nyid ngo tsha gzhan gyis khrel/ /'khrul spong don yang dang po yi/ /las can rnams kyis rung ba ste/ /ljon shing nyid las dam tshig dang / /tshogs 'khor gnas dang gang zag gsum/ /chos rjes tshogs 'khor rtsod spong las/ /gnas dang mdun bskyed tshogs 'khor dus/ /bzod gsol skabs dang rnam pa bzhir/ /las ni dang po zhes bya ba/ /khu dbon gnyis kyis gsungs pa 'di/ /log rtog brag ri 'joms pa'i thog /tshim pa drug la'ang rnam gnyis te/ /phyag rgya bsten dang ting 'dzin gnyis/ phyi ma Dombhi he ru kas/ /mar dang mar gyi nying khu yis/ /snying ga ru ni byug par bya/ /ji skad gsungs pa de bzhin