[A:94b]gyis dbye ba yin pas/ dbye ba'i ya gyal de dag gang rung yin na tshogs 'khor mtshan nyid pa yin mi dgos la/ tshogs 'khor mtshan nyid pa yin na dpa' bo dang dpa' mo gnyis ka 'tshogs dgos shing / de'i gnad kyang tshim pa drug dngos su ldan dgos pa yin cing / des na sdom brtson bslab pas bcings pa dang / khyim pa'ang sbyangs rtogs sbar gsum mi nus pa rnams kyis tshogs 'khor mtshan nyid pa byar mi rung la/ der ma zad sdom brtson ni nus pa de gsum dang ldan pas rang nyid la nyes pas mi gos kyang gzhan ma dad pa sogs kyi bstan pa la gnod pa'i nyes pa spang ba'i phyir tshogs 'khor mtshan nyid pa de mi mdzad pa yin par chos rjes bshad la/ 'on kyang dus khyad par can gyi bza' ba'i dam tshig med par mi 'gyur te/ dpa' bo'i ston mo zhes ming du btags pa'i tshogs 'khor rjes mthun pa de byar rung zhing bya bar yang bshad pa yin zhes par snang la/ de lta na'ang tshim pa drug dgos pa dang / lus sems lhan skyes kyi bde bas tshim pa zhes pa de la las rgya la brten nas dngos su bya ba dang / ye shes kyi phyag rgya la brten nas bya ba gnyis su yod pa dang / rnal 'byor pa dang rab byung gi tshogs rdzas la khyad par yod pa sogs ni lugs gnyis ka bzhed pa mthun la/ 'on kyang rdzong lugs pa'i mkhas pa rnams kyis dbang gsum pa ye shes kyi phyag rgya la brten nas bskur ba de dbang mtshan nyid pa yin pa dper mdzad nas tshogs 'khor gyi tshe'ang rab byung sogs kyis las rgya la dngos su ma brten par dpa' bo'i ston mo byas pa de'ang tshogs 'khor mtshan nyid par