[A:98b]gyis/ khams kyis 'chun tshad longs spyod pa'i don min la/ des na rje btsun gong ma rnams kyis tshogs 'khor lugs gnyis gsungs pa yang ting nge 'dzin mi brtan pa'i sdom brtson la sha chang sogs mang po bsten na bcas 'gal gyi nyes pa dang / de brtan pa rnams la gzhan ma dad pa sogs kyi nyes par 'gyur du dogs pa'i rgyu mtshan gyis yin no/ /de'i rjes su 'brangs nas thar 'dod rnams la blang dor gyi gnas tshul bzhin ston pa'i bshes gnyen la phrag dog sogs kyis skur 'debs mi rigs zhes pa'i lan 'debs mdzad do/ /yang grub pa'i dga' ston du tshogs 'khor gyi tshe sha chang bkag pa la legs par brtags na rtsa ltung du mi 'gyur ba med do zhes sogs rtsa ltung dang po nas bcu bzhi pa'i bar thams cad rje ngor chen nyid la byung bar bshad pa'i lan du/ rje bsod nams rab brtan gyis 'di dag ni rang kho na mchog dang / gzhan nyes can du kun gyis mthong na snyam pa'i rang 'dod khong tshang du snang bas dgag bsgrub kyis ga la lang / 'on kyang de ltar smra ba po rang nyan thos ltar na gzhan la skur 'debs kyi lhag ma dang / rdo rje theg pa ltar na rtsa ltung bzhi pas gos par song ste/ de bas rje btsun rin po che grags pa rgyal mtshan zhabs yang dag pa'i dge ba'i bshes gnyen du byed na smra ngan 'di'i 'gro ba ni cir 'gyur/ gzhan du dam tshig las nyams na/ /nyams pa bdud kyis bzung bar 'gyur/ /de bas sdug bsngal myong 'gyur te/ /thur du bltas te dmyal bar 'gro/ /zhes pa'i don rtogs par bya'o zhes pa nas/ nyes pa 'di rnams byas pa'i rjes la ni dbang yang gzhan