[A:99a]la ma zhus pas khron par ltung ba'i rdo ba bzhin du rig par bya zhing zhes sogs kyi bar bris pa'i sgo nas gzhan ngan song du skyes nas sdug bsngal myong ba la dga' ba bsgom zhing yid smon btab pas byams pa'i sems spang bar 'gyur ba'i phyir zhes bshad cing / yang grub pa'i dga' ston las dbang gsum pa'i skabs su dge slong rdo rje 'dzin pas chags pa'i gtam smras pas lhag ma'i ltung bar 'gyur ba dang / dam bzhag sogs kyi skabs su khyod kyi rdo rje 'chang nga yin gyi zhes sogs la 'pham par 'gyur dgos na tshogs 'khor las 'jigs pa dbang bskur ba yang 'gegs dgos so zhes sogs gsungs pa'i lan du/ rje bsod nams rab brtan gyis/ 'khrig tshig smra ba'i lhag mar 'gyur ba la chags sems kyis kun nas bslangs pa zhig dgos la/ dbang gsum pa'i skabs su de ltar smra ba ni dbang gi ye shes ngos zin pa'i ched yin pas mi mtshungs so/ gal te tshogs 'khor gyi tshe'ang sha chang sogs la sred pa'i sgo nas ma yin par lha mchod pa'i bsam pas tshogs rdzogs pa'i ched yin pas mtshungs so zhe na/ tshogs 'khor gyi tshe dge slong rdo rje 'dzin pas sha chang cung zad bsten pa ni nged kyang 'dod la/ mang du longs spyod na dran pa nyams nas bag med kyi spyod pa dang / gzhan ma dad pa sogs su 'gyur dogs nas mang du longs spyod pa de bkag pa yin la/ dbang gsum pa'i tshe chags pa'i gtam smra ba tsam gyis dran shes nyams nas bag med kyi spyod pa dang / gzhan ma dad pa sogs su mi 'gyur ba'i phyir/ dam bzhag gi tshe'ang de