[A:10a]su 'byung bas so/ /des mi rung ba yang min te/ khrid kyi tshe ma gtogs phyag len tal ma la khyed rang kyang mi byed pas so zhes gsungs so/ /de ltar rtsod pa dang rtsod lan de dag gis so so'i dgongs bzhed kyi snying po blangs na mkhas mchog rdo rje rgyal mtshan gyi dgongs don gyi snying po ni/ rje btsun gyis mdzad par grags pa'i sems bskyed kyi yi ge'i steng nas sems bskyed 'bogs pa 'di la brgyud pa med pas 'di mi rigs te/ brgyud pa med pa'i rgyu mtshan ngor chen gyis yi ge de gsar du rnyed pas so gsungs par snang la/ de'i brgal lan dag bshad tshul cung zad mi 'dra yang don gyi snying po kun mthun par/ ngor chen rdo rje 'chang gis gsar du rnyed pa'i rje btsun gyis mdzad pa'i sems bskyed kyi yi ge de la lung rgyun med kyang / de'i steng nas sems bskyed phog chog ste gong ma'i gsung dag las dbang gi sngon du sems bskyed byed par bshad cing / bshad pa bzhin rje btsun nas ngor chen rdo rje 'chang gi bar du rgyun ma chad pa'i sems bskyed kyi phyag len rnam par dag pa yod cing / phyag len de dang mthun pa'i sems bskyed kyi yi ge su zhig gis byas kyang de'i steng nas sems bskyed 'bogs rung zhing / yi ge de'i brjod bya dang mthun pa'i sems bskyed kyi sdom pa'i brgyud pa med par yang mi 'gyur la/ dper na rje btsun nas brgyud pa'i kye rdor man ngag lugs kyi dbang thob la ma nyams pa'i rdo rje slob dpon zhig gis dbang chu'i lung ma thob kyang / de'i steng nas gzhan la dbang de byar rung ba bzhin no/ /de ltar phyag len mdzad pa'i dbang gi