[A:9b] /dogs gnas kun grol dngos lan no/ /zhes gsungs/ yang sgyi chu ba buddha shrI bas thams cad mkhyen pa dkon mchog lhun grub kyi tshangs pa'i rigs sngags kyi yang lan nor bu'i phreng ba zhes bya ba mdzad de/ de nyid las/ sngar tshangs pa'i rigs sngags kyi lan de dag gi yang lan du/ sus byas ma nges pa'i chog bsgrigs kyi yi ge de chos rje khu dbon tsam gyi rjes su byung na de'i steng nas cho ga byas pas na gsung sgros dang bcas pa'i nges pa yongs rigs pa las med pa dang / phyi mo nas byung ba yin na ni rtsa ba med pa'i yan lag mi rigs pa dang / bar skabs der phyag dpe 'di la rten bya ba'ang med pas na tshangs pa'i rigs sngags kyi de dag ma brtags pa'i lan yin cing / nA ro pa'i lugs kyi sems bskyed kyi cho ga birWa pa'i lugs kyi snyan brgyud du mi rung bas/ brgyud pa gnyis ldan gyi sems bskyed kyi cho ga de snyan brgyud yin zhes pa'ang gyi nar song / bde kye'i dbang gi sngon du yi ge de dang mthun pa'i sems bskyed byed ces pa'ang bstan pa spyi'i babs 'gros la brten nas bsgrigs pa ste/ de ltar na byang sdom gyi sngon du so thar dgos pas/ skabs der gsol bzhi'i cho gas bsnyen rdzogs re yang 'bogs rigs/ des na sambu Ta las/ skyabs su 'gro ba'i rim pa yis/ /shin tu legs par sbyangs nas ni/ /sngags dang rgyud kyi rim pa yi/ /gsang ba'i de kho na nyid bsgrags/ /zhes dkyil 'khor du 'jug pa'i sngon du skyabs 'gro dang sems bskyed bya dgos par gsungs kyang phyag len gyi rim par mi snang / 'on kyang 'gal ba med de/ sta gon gyi skabs