[A:101a]go log ces pa'ang rab byung yin na rnal 'byor pa las dman pas khyab pa la zer na/ shAkya thub pa rab byung min pa'am rnal 'byor pa las dman pa gang rung las ma 'das shing / rgyud las/ rten ni gsum las dge slong mchog /'bring ni dge tshul yin par 'dod/ /khyim na gnas pa tha ma 'o/ /zhes sogs ma mthong bar zad do zhes gsungs so/ /yang rdo rje gdan pa chen po'i grub pa'i dga' ston las rgya la sha chang dben par bsten pa gzhan gyis thos na ma dad kyis dogs na/ bsten dus mi bsten pa'i nyes par byed pa ni/ dam tshig gi rdzas rnams ma bsten na rdo rje mkha' 'gro rnams mi mnyes par byed pa'o zhes rje btsun gyis gsungs pas/ mkha' 'gro ma ma mnyes pa dang 'jig rten pa ma dad pa gnyis gang nyes pa che soms shig ces gsungs pa'i lan du/ chos rje bsod nams rab brtan gyi gsung de las khyed rang gi rtsod spong gi skabs su bshang gci sogs ni bdud rtsir mi nus bzhin du zos na 'jig rten pas dmod par 'gyur zhing zhes sogs bris pa la'ang mtshungs te/ bshang gci sogs zos pa la 'jig rten pa ma dad pa dang / mkha' 'gro ma ma mnyes pa gang nyes pa che soms shig ces gsungs/ yang grub pa'i dga' ston las dus 'khor dang 'gal ba'i rtsod spong gi tshe/ 'dir phyogs snga smra ba po la ni mang du smra ci dgos/ dus 'khor gyi chos skad rnams dang rgyud sde gzhan rnams mi mthun pa mang bas lugs phan tshun mi bsre bar chos skad rang rkang tshugs pa 'dod dgos so zhes smras na ci zhig smra yongs zhes pa'i lan