[A:100b]byed pa po ma yin par 'gyur zhing / yang na nyan thos kyi spyod pa srung ba po ma yin par 'gyur ro/ /gzhan yang 'dul ba pa rnams kyis gsang ste spyod dgos pa med par thal/ des 'dul ba ji lta ba bzhin spyod pa'i phyir/ khyab pa khas/ 'dod mi nus te/ des gsang ste bar chad dri ba sogs spyod dgos pa yin pa'i phyir/ des na khyab pa 'di 'dra'i rigs pa grangs med byas kyang mkhas pa rnams bzhad mo grangs med 'chor ba'i rgyur zad do/ rigs pa shes pa rnams kyis spros te dgag par bya'o zhes pa ni/ rigs pa shes pas 'di 'dra ba'i khyab pa mi 'cha' las che'o legs par dgongs 'tshal lo zhes gsungs so/ yang grub pa'i dga' ston du gzhan smras pa de dag ni phal cher skyon dang bcas pa ste/ rab byung gi tshogs 'khor bshad pa'i rjes su rnal 'byor pa rnams kyis kyang zhes pa de ltar na/ rnal 'byor pa yin na khyim pa yin dgos pa dang / rab byung yin pa rnal 'byor pa ma yin dgos pa'i tha chad pa yin no zhes pa'i lan du/ rab byung dang rnal 'byor pa'i tshogs 'khor so sor bshad pa tsam gyis rab byung yin na rnal 'byor pa min dgos zhes par mi 'gyur/ gal te 'gyur na rje btsun sa paN la ji ltar bya/ mi mtshungs te khyed kyi rab byung mchog dang / rnal 'byor pa khyim pa'am dman par bzung bas nongs la/ sa paN gyis ni so thar la bstun pa che chung gi sgo nas bzhag ste/ don la khyod dang dman mchog go log pas so zhe na/ nged kyi rnal 'byor pa yin na rab byung las dman pas khyab pa dang / khyim pa yin pas khyab pa khas ma blangs shing / dman mchog