[A:102a]pa ni nyan thos la rtsod spong mdzad pas kyang shes te/ khyed ltar na nyan thos kyi rtsod spong don med pas so zhes gsungs pa'i lan du/ nyan thos kyi bslab ldan thams cad 'di'i rtsod spong gi yul du bzung bas nyes te/ nyan thos lugs kyi bslab pa dang ldan cing bla med kyi rgyud smin pa'i dge slong rdor 'dzin med par thal/ nyan thos lugs kyi bslab ldan yin na 'di'i rtsod spong gi yul yin dgos/ bla med kyi rdor 'dzin yin na de ma yin dgos pa'i phyir/ rtags dang po ni dkar po rnam gsum dang mi mthun pa ni zhes sogs kyi rnam dpyad las khyed rang gis khas blangs/ des na nyan thos kyi sgra 'jug pa tsam la nyan thos kyi grub mtha' rang lugs su smra ba nyan thos sde gnyis lta bu dang / nyan thos kyi lta spyod dang ldan pa nyan thos rang rgyud pa gnyis las sa paN gyis tshogs 'khor rtsod spong mdzad pa'i yul ni snga ma rnams so/ nyan thos kyi bslab pa dang ldan pa la 'di'i rtsod spong gi yul dang / de min pa gnyis su yod ces gsungs so/ /yang grub pa'i dka' ston du/ 'on te chos rjes rab tu byung ba sdom brtson gyi lugs ni zhes sogs gsungs pa ci zhe na/ de ni rab byung dman pa rnams la thabs mkhas gsungs pa yin gyi/ des mchog la gzhan mi 'gegs pa ni zhes sogs kyi lan du/ rje bsod nams rab brtan gyis 'di'i rab byung dman pa de rdo rje theg pa'i sgor ma zhugs pa'i rab byung la bya'am/ der bzhugs kyang rim gnyis mi brtan pa'i rab byung la bya/ dang po ltar na dpyod mi dgos/ gnyis pa ltar na nged dang mthun te deng sang tshogs