[A:109a]grags pa 'di/ rje btsun gyi dngos slob spyil sgom tshul khrims rgyal mtshan gyis rje btsun gyi gsung sgros bskyar ba las/ rje btsun chen po'i zhal nas rdo rje dang dril bu'i de kho na nyid ston pa'i yi ge zhig byed 'dod pa yin pa la ma grub ces gsung bar dngos su bshad 'dug pas/ rje btsun gyi dngos slob 'di nyid rje btsun gyi gsung la rgyus che bar byed dgos so/ des na brgyud pa 'di pa rnams ni sambu Ta'i TIka chen du bshad pa gzhir byas nas rje btsun dang sa paN gnyis ka'i dngos slob shar pa shes rab 'byung gnas kyis mdzad pa'i rdor dril gyi de kho na nyid zhib tu bshad pa de gtso che bar mdzad do zhes gsungs shing / yang gnyis pa dbang po rab 'bring gsum gyis bkri ba'i gzhung shing rje btsun gyis bkar bsgrub pa la/ mus srad pa'i bka' sgrub le'ur rjes 'brangs kha cig lam 'bras kyi sngon 'gro'i khrid bkag pas phyis su yi ge 'di nyid dang 'gal bar mthong ste rang gi grub mtha' la mi gnod pa'i phyir rje btsun gyi gsung ma yin no zhes dgag mod/ mi 'thad de/ rje btsun gyis dkar chag las gsungs pa ltar yi ge lhag yod med phye nas rnam dag rnams phyogs gcig tu bsgrigs/ mkhas grub kyi slob ma mang po la bshad de deng sang gi bar du yi ge du ma dang bcas dar ba 'di la su zhig gis smyon 'ding na'ang rang gis de nyid ma go bar byed pa yin pa'i phyir dang / sa paN dang bla ma dam pa rnams kyis tshad mar bzhag pa'i phyir zhes gsungs pa'i lan du/ rje btsun bsod nams lhun grub kyis bla ma chos rje rdo rje 'chang chen pos dpyad pa cung zad mdzad pa