[A:108b]'thad de rje btsun gyis/ smin byed ltung ba'i rnam gzhag sgrub thabs bzhi/ /zhes sogs kyis yig cha'i grangs ston pa'i phyir/ rdo rje dril bu bgrang 'phreng dgang blugs dang / /zhes pa 'dis kyang lag len gyi yi ge ston byed yin na gzhan rnams la yi ge yod la/ 'di la med pa'i rgyu mtshan med la/ rgyud 'grel na yod pa la kha 'phangs zer na gzhan rnams la'ang mtshungs so/ de dag bshad pa tsam dang lag len du bsgrigs pa'i khyad par yod na 'di la'ang mtshungs/ yi ge'i grangs ston pa ma yin par las dang po pa la dgos pa bsgrigs pa tsam yin na bris sku dang glegs bam sogs mang du 'chad dgos pas nyung ba'i phyir dang / ye shes dang dam tshig gi dril bu go nor bas rnam dag min na/ gnad kyi gsal byed du/ yang na ye shes ni rnam pa lnga ste/ rdo rje 'di'i rtse mo lnga pa'i rnam par dag pa'ang shes par 'gyur ro zhes bla ma gong ma rnams gsungs so zhes pa'ang rnam dag min par 'gyur la/ gnad kyi gsal byed du lha'i rnam dag sbyar ba dang mi mthun pas zer na/ dbang chur de la de bzhin gshegs pa lnga dang / yum lnga dang / byang chub sems dpa' dang / lha mo la sogs pa rdo rje'i de kho na nyid yongs su rdzogs pa mos pa bskyed la zhes gsungs pa'ang ma dag par 'gyur ro/ /de'i phyir rngog pa'i rjes 'brangs dag gi yi ge'o zhes pa ni/ gzhan rang tshig la yid ches bskyed pa'i zol tsam mo zhes gsungs so/ /de dag gi lan du mkhan chen bsod nams lhun grub kyis/ de dag ni mi rigs te da lta rje btsun gyis mdzad par grags pa'i de kho na nyid gsum gyi man ngag tu