[A:11a]yin/ spyir bde kye'i dbang gi sngon du sems bskyed byed ces pa'ang bstan pa spyi'i babs 'gros la brten nas bsgrigs par snang bas/ de ltar na byang sdom gyi sngon du so thar dgos pas gsol bzhi'i cho gas bsnyen rdzogs zhig kyang skabs der bya rigs/ des na sambu Ta las/ dkyil 'khor du 'jug gong sems bskyed mdzad par bshad kyang phyag len mi snang / 'on kyang skyon med de sta gon gyi skabs su 'byung zhing / des mi rung ba'ang ma yin te/ phyag len tal ma la ngor pa rang yang mi byed pas so zhes par snang ngo / /de dag la rang gi go tshod kyis rnam dbye cung zad phye na/ ngor lugs la dbang gi sngon du mdzad pa'i sems bskyed kyi sdom pa 'bogs pa'i phyag len 'di sngon nas med cing sems skyed kyi sdom rgyun yang med par rje rdo rje 'chang kun dga' bzang pos sgo rum dpe khang nas rnyed pa de nas bzung yi ge de la brten nas gsar du mdzad pa yin na/ mkhas mchog rdo rje rgyal mtshan gyis sems bskyed brgyud pa med pa dang zhes pa'i dpyad pa de 'jug tu rung na'ang / ngor lugs la sems bskyed kyi sdom rgyun yod pa gzhir bcas shing / dbang gi sngon du sems bskyed 'bogs pa'i phyag len zhig kyang snga mo nas yod 'dug pas/ slar phyag len de dang mthun pa'i yi ge de rnyed pa na yi ge de steng nas sems bskyed mdzad pas na yi ge de'i lung rgyun med kyang sdom pa'i rgyun med par ma nges te/ dbu ma lugs lta bu'i sems bskyed kyi ngo bo dang / yi ge de'i brjod bya'i sems bskyed kyi ngo bo la khyad par med pas so/ /de tsam du ma zad rje rdo