[A:12a]'bras 'chad pa'i tshe/ slob ma mang po cig car du rjes bzung mdzad pa'i phyag len 'di la dgongs nas/ mus srad pa chen pos/ rjes bzung grangs nges med pa dang / /zhes pa'i rgyas bshad du/ slob ma brgya phrag mang po la grangs nges med par rjes 'dzin gyi cho ga byed pa ni/ gsang ba spyi rgyud las/ mkhas pas slob ma gcig gam gsum/ /zhes sogs kyi lung dang 'gal/ dbang gi chu bo las/ dkyil 'khor gcig tu slob ma nyi shu rtsa lnga las lhag pa gzung bar mi bya zhes sogs gong ma'i gzhung dang 'gal/ rjes bzung la grangs nges med na sta gon la yod pa'i khas len dang 'gal te/ sta gon gyi grangs nges rjes bzung gi grangs nges la ltos/ dbang dus kyi grangs nges sta gon gyi grangs nges la ltos par spyi rgyud las gsungs pa'i phyir ro zhes rgol bar mdzad do/ /de'i lan la paN chen rin po che'i rnam thar sgo brgyad par/ spyi rgyud kyi rjes 'dzin dang lam 'bras gzhung ji lta ba'i rjes 'dzin mi mtshungs par bstan pa dang / 'dir spyi rgyud kyi rjes 'dzin khas mi len kyang rjes 'dzin med pa'i nyes pa mi 'byung bar bstan pa dang / sta gon spyi rgyud kyi rjes 'dzin la ltos na ha cang thal ba dang gsum du mdzad nas rgyas par 'byung ba'i rkang grangs rags pa tsam zhig bkod na/ dang po la slob dpon 'ga' zhig gi drung du gang zag kha cig dbang zhu 'dod zer na/ gang zag de spyir chos la zhugs ma zhugs/ zhugs kyang nges legs la zhugs ma zhugs/ der zhugs kyang theg chen la zhugs sam dang / lta ba la yid ches sam/ de ches na