[A:14a]pas so/ /yang rjes bzung gi slob ma zhig rkyen gyis ma slebs par gzugs brnyan bcug pa des dngos de'i go chod dam mi chod/ mi chod na bcug pa'i dgos pa ci/ go chod na gzugs brnyan de la sta gon byas pas thob bam mi thob/ mi thob na go chod pa 'gal/ thob na de dngos su 'gyur ro gsungs nas/ rang gis lung de dag gi don rkyen dgos kyi tshe kha 'chams la dbang bskur byas chog pa dang / rjes bzung gi skabs su med kyang rjes 'dzin gyi yon tan dang ldan pa gzhan dag kyang sta gon byas nas dbang bskur chog pa'i don dang / bye brag tu gzugs brnyan la sta gon byas pa ni/ slob ma 'ga' zhig tshe'i dus byas pa la dgongs te/ slob dpon snying rje chen po dang ldan pas gzugs brnyan de la'ang dbang bskur bas sdig pa 'dag pa sogs kyis dgos pa yod cing / 'di la bsams nas bod du rjes bzung gi slob ma yul gzhan du song ba sogs lus srog dang tshangs spyod kyi bar chad byung dogs pa'i tshe gzugs brnyan la shes pa bkug nas dbang bskur byed pa sogs kyi lag len byung bar snang ngo gsungs/ lam 'bras pa la ha cang thal ba la khyed kyis bla ma dam pa'i dgongs par byas nas snang gsum gyi sngon du dbang byed pa/ de'i sngon du rjes bzung dang sta gon byed pa gzhir bcas/ rjes bzung yang dbang chu chen mo nas bshad pa de las gzhan khyed la med pas/ de ltar na thog mar dal 'byor rnyed dka' nas don dam sems bskyed la thug gi bar ji lta ba bzhin bskyed du bcug nas/ de la rjes 'dzin gyi cho ga phyag len bzhin byed