[A:17a]med la/ yod kyang mi tshar ba'i dogs pa skye don med pa'i phyir ro/ /sta gon la ni mi mtshungs te slob ma sta gon gyi cho ga'i 'go nyi ma nub pa nas brtsams mtshan phyed tshun la tshar dgos pas so/ /de phyir khyed rnams theg chen du/ /sang ni rab tu skye bar 'gyur/ /zhes pa'i tshig bshad du yod pa dang / rmi lam brtag dgos pa'i phyir ro zhes sogs dang / kho bo cag gi rang lugs ni 'phags pa rin po che'i rtsa rgyud kyi TIkkar spyi rgyud kyi dgongs pas grangs nges yod pa dang / rnam snang mngon byang gi dgongs pas grangs nges med pa gnyis char slob ma rjes 'dzin gyi skabs nyid du smyon mi nus par bshad pas gnyis ka ltar yang mi 'gal ba nyid du 'dod do/ /khyod la ni de khas len du mi rung ste/ dbang gi grangs sta gon dang / sta gon gyi grangs rjes bzung la nges par ltos pa khas blangs pas rje btsun gong ma lnga dus rtag tu 'gal med du khas len pa'i dam bca' yang gting nas nyams la/ kho bo cag ni phyi ma'i grangs nges snga ma la ltos par mi 'dod cing / rjes 'dzin gyi grangs nges rnam snang mngon byang ltar khas len pa'i tshe'ang / dbang gi grangs nges spyi rgyud nas bshad pa ltar 'dod pas bshad ma thag pa'i rgyud tshig gnyis po mtha' gcig tu 'gal bar yang mi 'dod do zhes gsungs la/ gnyis pa rgol ba'i grub mtha' rtsa ba nas mi rung bar bstan pa ni 'phros don du gsungs par snang bas 'og tu 'chad do/ /bshad ma thag pa de dag gi don bsdus nas don bsdus don brgyad pa las/ rjes bzung skabs kyi slob ma la/ /grangs