[A:17b]nges med pa mi rung na/ /chos kyi rgyal po 'phags pa yis/ /brtag gnyis TIkka gser sgam mar/ /grangs nges med la rjes 'dzin gyi/ /cho ga byed pa gsal bar bshad/ /de dag khyod kyis ma mthong bar/ /thag chod byed pa ring ba 'am/ /gzhan la smra ba'i zol sbyor gyis/ /'phags pa 'gegs la brtson par zad/ /'phags pa 'gegs pa'i sa skya pa/ /rnying pa'i rjes 'brangs de ngo mtshar/ /spyi rgyud nyid na grangs nges kyi/ /lung de sta gon skabs na yod/ /de phyir dbang chu'i dngos bstan ni/ /dbang bskur tshar gcig nyid la dgongs/ /gnyis dang gsum sogs 'ga' yod na/ /rjes 'dzin 'phral nas bya mi dgos/ /dgos na 'phags pas bshad pa de/ /slob ma dbang bskur grangs med la/ /byed du rung ba'i lung nyid du/ /thal ba khyod kyis bzlog mi nus/ /'phags pa dngos su 'gegs bzhin du/ /'phags pa sgrub pa'i khengs pa can/ /khyod kyis gang dang gang smras pa/ /thams cad de dang de 'drar zad/ /ces gsungs la/ yang gong du bkod pa'i mus srad pa'i gsung de'i lan tshar chen chos kyi rgyal pos rdo rje'i 'khrul 'khor gyi zegs ma las/ slob ma rjes 'dzin dus gcig la nyer lnga las mang ba dang / zung du gyur pa la mi rung ba'i sgrub byed dngos gzhi'i grangs nges sta gon la ltos/ sta gon gyi grangs nges rjes 'dzin la ltos pa'i phyir ro zer ro/ /de ltar na rjes 'dzin la grangs nges ma dgos par thal/ dngos gzhi'i grangs nges sta gon la ma ltos/ sta gon gyi grangs nges rjes 'dzin la ma ltos pa'i phyir khyab pa la dngos 'gal/ rtags dang po