[A:19b]phyir dang / spyi rgyud kyi grangs nges de rjes 'dzin gyi grangs nges min pa'i phyir dang / dbang chu nas bshad pa'i grangs nges de rjes 'dzin gyi grangs nges min pa'i phyir/ rnam snang mngon byang gi lung des kyang rgyud sde gsum la grangs nges yod pa bkag pa'i phyir te/ des kye rdor gyi rjes 'dzin lo grangs nges yod pa bkag pa gang zhig bde mchog sogs la mtshungs pa'i phyir/ 'phags pa rin po che'i rtsa rgyud kyi TIkka yod par ma grags shing / dkar chag snga rting rnams su'ang ma byung bas gzhan zhig gis 'phags pa'i mtshan sbyar ba'am/ khyod rang gis med bzhin du mthong ba kho na'o/ /gzhan yang khyod kyi spyi rgyud kyi rjes 'dzin 'chad pa'i skabs su/ skabs 'dir grangs nges yod pa'i dmigs bsal kyang ma byung bas mi 'thad la zhes dang / grangs nges med pa'i shes byed du 'phags pa'i rtsa rgyud kyi TIkkar rnam snang mngon byang gi lung drangs pa bkod pa dang / yang 'phags pa'i rtsa rgyud kyi TIkkar spyi rgyud kyi dgongs pas grangs nges yod pa dang / rnam snang mngon byang gi dgongs pas grangs nges med pa gnyis ka slob ma rjes 'dzin gyi skabs su skyon mi nus par bshad pas gnyis ka ltar yang mi 'gal ba nyid du 'dod do zhes gsungs na/ 'di lta bu'i 'gal ba'i khur chen gyis dub par ma gyur tam/ rang nyid kyis smras pa'i rigs sngags kyis bcings par gsal lo zhes phyogs snga ma'i bzhed pa la gnod byed du ma brjod nas/ rang gi bzhed pa 'god pa na/ des na/ spyod pa'i rgyud kyi dbang bskur la/ /slob ma grangs nges med par gsungs/ lhag ma dmigs