[A:20a]bsal mdzad pa yi/ /slob ma la ni grangs nges yod/ /'di ni gsang ba spyi rgyud las/ /mkhas pas slob ma gcig gam gsum/ /lnga 'am yang na bdun dag gam/ /nyi shu rtsa ni lnga yi bar/ /zung du ma gyur slob ma bzung / /de bas lhag pa'i slob ma ni/ /yongs su bzung ba mi shis so/ /de'i rgyun mtshan/ de bas lhag pa'i slob ma la/ /cho ga yongs su rdzogs pa ni/ /mtshan mo gcig la tshar mi nus/ /de yi mtshan mo ma tshar na/ /cho ga nyams pa rgyal bas gsungs/ /nyams na cir 'gyur zhe na/ dpal ldan dam pa dang po las/ cho ga nyams pa'i byin rlabs kun/ /bgegs kyi yin par rgyal bas gsungs/ /yin pas ci sto snyam na/ bgegs kyis bsod nams ma lus 'dzad par byed/ /ces dang / rje btsun gyis slob ma rjes su bzung ba'i cho ga dang / de smin par byed pa dbang bskur ba'i mngon rtogs so/ /dang po ni/ rgyud 'di las gsal po tsam ma gsungs kyang / slob mas gsol ba gdab pa ni/ sambu Ta las/ slob mas pus mo'i lha nga ni/ /sa la dad pas btsugs nas ni/ /thal mo sbyar nas bstod pa yis/ /ston pa la ni zhu bar bya/ /zhes dang / de ltar cho ga rgyud gsum du mi gsal ba rnams/ ji ltar de nyid 'dus pa yi/ /dkyil 'khor cho ga de bzhin bya/ /zhes bshad pas/ de nyid 'dus pa dang gsang ba spyi rgyud las rtogs par bya'o zhes dang / rje sa paN gyis/ gang du las ni yod gyur la/ /las kyi cho ga rnams med pa/ /de ni spyi yi rgyud dag la/ /gsungs pa'i cho ga mkhas pas bsten/ /de