[A:21a]'thad ces gsung rgyur snang la/ de'i lan paN chen rin po che'i rnam thar sgo brgyad pa las gsungs tshul gong du bkod pa de dag gi snying po ni/ spyi rgyud kyi slob ma rjes 'dzin ni gang zag gi blo rigs brtags nas de dang 'tshams par blo rim gyis dkris zin pa slob dpon gyi rjes su bzung / bsrung ba sogs byas pa de tsam la bshad cing / de lta bu ni sems bskyed kyi sdom pa phog zin pa yin la grub zin pas/ slar yang spyi rgyud nas bshad pa'i rjes 'dzin byas na snang gsum gyi khrid lan gnyis byed dgos par gyur/ des na spyi rgyud nas bshad pa'i rjes 'dzin dang / ngor lugs kyi phyag len la yod pa'i rjes 'dzin gyi khyad par rjes 'dzin gyi rtogs pa ma skyes pa skyed par byed pa dang / skyes zin brtan par byed pa gnyis kyi sgo nas phye ba yin zhing / de'i tshe snga ma la grangs nges dgos pa dang / phyi ma la mi dgos pas spyi rgyud dang ni bshad tshul mi 'dra bas 'gal bar snang yang skyon med/ dbang chu'i de ni spyi khyab tu sbyor rgyu min pas mi 'gal/ deng sang sems bskyed chen mo byas pa'i phyis nyin phyag len mdzad pa'i slob ma rjes 'dzin du grags pa ni sngags kyi thar pa cha mthun/ de nas sngags lam dngos la 'jug pa ni rjes 'dzin dngos te slob ma sta gon no/ /spyi rgyud kyi slob ma rjes 'dzin gyi dngos gzhi slob ma sta gon yin pa ni/ chos rje sa paN gyis nyer lnga las lhag pa rjes su mi bzung ba'i shes byed du/ de bas lhag pa'i slob ma la/ /zhes sogs bkod pas grub/ gal te rjes bzung byas gyur pa/ /zhes sogs dang / sta gon gnas su ma