[A:20b] skad gsungs phyir cho ga 'di/ /rgyud rnams kun la 'jug pa yin/ /zhes sogs mtha' yas pa gsungs la sngar khyod kyis drangs pa'i rnam snang mngon byang gi lung de ni spyod rgyud kyi lugs la grangs nges mi dgos pa'i lung yin zhing / spyi rgyud kyi lung ni rgyud sde gzhan gsum la grangs nges dgos pa'i lung yin na 'di 'dra ba'i lung sbyor ni sa skya pa'i rjes su 'jug bzhin du rgyud sde phan tshun dkrug par zad do/ /gzhan yang spyi rgyud las/ slob ma rjes su bzung ba gang / /sta gon gnas der med na ni/ /de yi gzugs brnyan byas nas ni/ /ji skad gsungs pa'i las rnams bya/ /zhes gsungs pa nyid kyang slob ma brgya stong grangs med la dus gcig tu rjes 'dzin gyi cho ga byed pa bkag pa yin te/ dbang bskur gyi grangs ka tshang ba'i phyir rjes bzung byas pa tshe'i dus byas pa de nyid kyi rten la cho ga bya dgos pa byung ba yin pas so/ /gzu bor gnas pa'i blo ldan rnams kyis legs par dpyod cig ces gsungs/ de ltar bshad pa'i dgongs don blo gros dang ldan pa rnams kyis gong du bkod pa de tsam gyis rtogs nus kyang / blo dman dag gis go sla ba'i phyir bshad ma thag pa de dag gi don gyi snying po blangs nas bkod na/ rje mus srad pa chen po'i gsung de'i snying po ni/ slob ma rjes 'dzin nyer lnga las lhag pa mang po la dus gcig tu byed pa ni spyi rgyud dang dbang chu chen mo dang 'gal zhing / dbang gi slob ma sta gon la grangs nges khas len pa dang 'gal bas lung rigs kyi sgo nas/ ngor lugs kyi phyag len la mdzad pa'i slob ma rjes 'dzin grangs nges med par byed pa 'di mi