[A:22b]cing / lam 'bras kyi rjes 'dzin gyi grangs nges de med pas/ rjes 'dzin de gnyis char ngor lugs la med par song / rnam snang mngon byang gi lung de ne spyod rgyud la grangs nges mi dgos pa dang / rgyud sde gzhan gsum la grangs nges dgos pa'i lung dang / slob ma rjes su bzung ba gang / /zhes sogs kyis kyang rjes 'dzin grangs med la byed pa bkag gsung bar snang ngo / /yang paN chen rin po che'i legs bshad gser thur gyi dri bar/ gsang ba spyi rgyud dag las ni/ /dkyil 'khor dag tu dbang bskur ba'i/ /slob ma gnyis dang bzhi la sogs/ /zung du bshad pa 'ga' zhig yod/ /ces pa dang / spyod pa'i rgyud kyi dbang skur la/ /slob ma grangs nges med gyur na/ /gcig nas bcu yi bar dag gi /grangs nges mdzad pa ji ltar yin/ /gsang ba spyi rgyud lung gis ni/ /rjes bzung cho gas slob ma rnams/ /rjes 'dzin dus kyi slob ma yi/ /grangs nges bstan pa ma yin nam/ /zhes gsungs nas/ dri ba dang po'i rang lan du/ spyi rgyud kyi dgongs pa ni rjes 'dzin dang sta gon gyi dus su nyer lnga man chad kyis grangs kha yar ba ci yod thabs gcig tu tshogs pa la rjes 'dzin dang sta gon yongs su rdzogs par byas nas/ dbang dngos gzhi slob ma re re nas byed pa yin/ sta gon gyi tshe ni thams cad cig car 'tshogs dgos te ma tshang na skyin po dang / de'ang ma 'byor na gzugs brnyan byas nas sta gon byed dgos te/ spyi rgyud las/ slob ma yongs su bzung ba gang / /sta gon gnas tshe med na ni/ /de yi gzugs brnyan byas nas su/ /ji skad bshad pa'i las