[A:23a]rnams bya/ /slob ma yongs su bzung ba gang / /gal te rkyen 'ga' zhig gis ni/ /der ni 'ong bar ma gyur na/ /gzhan dag de yi skyin por gzhug /ces gsungs so/ /'di'ang rjes bzung gi slob ma dngos gzhi'i dus gtan mi sleb pa'i dbang du byas pa ni min pa 'dra ste/ yin na de dag la sta gon byas pa la dgos pa med pa'i phyir/ grangs tshang ba kho na'i ched yin na ni rjes bzung gi dus las gnyis dang / bzhi dang / drug dang / brgyad la sogs pa ma tshang na skyin po gzhug mi dgos par 'gyur ro/ /'o na skyin po la sta gon byas pa'i dgos pa ci zhe na/ sta gon gyi tshe skyin po bcug nas/ dngos gzhi'i dus su rang nyid kyis dbang blang chog pa'i rgyu mtshan gyis yin te/ de las gzhan du skyin po de la dbang bskur ba yin na ni/ gzugs brnyan de la'ang dbang skur bar thal ba'i phyir dang / rjes su ma bzung ba zhig la dbang bskur bar thal ba'i phyir ro/ 'di'ang bya ba'i rgyud du sta gon gyi chos nyung ngu zhig gis chog pa'i dbang du byas sam snyam ste dpyad par bya'o zhes dang / gnyis pa'i rang lan du/ spyod pa'i rgyud kyi dbang bskur la/ /slob ma kha 'chams kha yar gyi/ /nges pa med mod grangs med min/ /bcu las lhag pa bkag phyir ro/ /de lta na yang rjes bzung gi /slob ma'i grangs la nges pa med/ slob dpon snying rje chen po yis/ /tshad med bzung zhes gsungs phyir ro/ /zhes lan 'debs te/ rnam snang mngon byang las/ 'on kyang slob dpon snying rje chen po dang ldan pas zhes sogs drangs nas/ de ltar na gzhung 'di ltar