[A:26b]gong ma gnyis dang bya rgyud kyi dbang la spyir btang nyer lnga man chad kyi grangs nges dgos pa kun mthun mod/ 'on kyang dmigs bsal la spyi rgyud las/ sta gon gnas par byas pa la/ /gal te rkyen gyis ma 'ongs na/ /bla ma blo ldan mkhas pa yis/ /der ni slob ma gzhan mi bzung / /zhes slob ma nyer lnga la sta gon byas pa'i gcig lta bu ma tshang na gzhan mi 'jug par nyer bzhi la dbang bskur bas chog par bshad pa'i phyir ro/ /thams cad mkhyen pa dkon mchog lhun grub kyis brgal lan tshangs pa'i rig sngags las rjes 'dzin gyi slob ma'i grangs nges rnam snang mngon byang dang mthun par khas len pa de'i tshe'ang / dbang bskur gyi slob ma'i grangs nges spyi rgyud nas bshad pa ltar 'dod pas zhes 'byung bas/ ngor lugs kyi rjes 'dzin la grangs nges med pa 'di rnam snang mngon byang gi dgongs pa bzhin mdzad par rtogs so/ /rgyu mtshan des na rdzong lugs kyi bzhed pa 'di rgyud sde spyir btang gi bshad tshul phyag len dog phyogs nas bstan pa la dgongs shing / ngor lugs kyi bzhed pa 'di rgyud sde'i dmigs bsal gyi bshad tshul phyag len yang phyogs la dgongs par snang bas phyogs gnyis char rgyud sde'i dgongs pa dang mi 'gal zhing 'thad ldan du kho bos legs par rtogs so/ /paN chen rin po che'i dri ba de dag la kun mkhyen chen pos sdom gsum 'khrul spong du dri ba phyi ma gnyis la lan ma mdzad la/ dang po'i lan du spyi rgyud las/ bla mas slob ma gcig pu ni/ /dkyil 'khor dag tu dbang bskur bya/ /mkhas pas cig car slob ma gnyis/ /dbang bskur ba ni