[A:3b]gzungs kyi dpal ba dang / ngor lugs kyi brgyud pa'i rtsa ba bla ma dpal ldan tshul khrims pa gnyis las gsung ngag gi bka' 'dzin pa'i brgyud pa so sor 'phel te/ dang po las chos rje bzang po rgyal mtshan/ de las rgyal mtshan dkon mchog dang / dge ba rgyal mtshan sogs/ rgyal mtshan dkon mchog las mkhas grub chen po gtsang gi rigs su 'khrungs pa mus srad pa rdo rje rgyal mtshan la sogs pa mang du 'phel/ de rnams las brgyud de dar ba'i lam 'bras la rdzong lugs dang / bla ma dpal ldan tshul khrims pa las/ grub chen buddha shrI/ de las rgyal bas lung bstan pa'i skyes bu chen po thams cad mkhyen pa kun dga' bzang po sogs 'phel te/ ngor chen 'dis gsung ngag rin po che tshar brgyad cu gya gsum tsam gnang zhing / gsung ngag 'chad thabs kyi man ngag gsang ba'i sgo 'byed sogs lugs 'di la mkho ba'i yig cha mang du mdzad de gdams pa 'di nyid sgo du ma'i sgo nas ches cher dar rgyas su spel zhing / de nas brgyud pa la gsung ngag ngor lugs zhes grags pa 'di byung ba yin no/ /gzhan yang chos rje bla ma'i slob ma yongs grags mkhas pa bcu'i nang tshan theg chen chos rje kun dga' bkra shis las nyi lde ba kun dga' rgyal mtshan dang / brag thog pa bsod nams bzang po sogs mang du 'phel ba'i/ brag thog pa'i thugs sras rdo rje gdan pa chen po kun dga' rnam rgyal te/ de ltar mang du byon pa'i mkhas mchog rdo rje rgyal mtshan sogs la rdzong pa snga rabs pa dang / rdo rje gdan pa sogs la rdzong pa phyi rabs pa zhes kyang grags so/