[A:37b]tshe ji ltar byed/ /khyad par du yang rgyud gsum gyis/ /dkri ba'i skabs su rgyu chos can/ /'khor ba'i gnas lugs bsgom zhes pa/ /ma dag snang ba'i skabs bzhin du/ /slar yang bsgom par gsungs pa dang / /shin tu rgyas bshad skabs su yang / /snang ba gsum gyi don dran par/ /legs par gsungs na ji ltar rgol/ /gzhan yang snang ba gsum gyi sngon/ /bsag sbyong rnam gnyis bya dgos te/ /khrid kyi sngon 'gro yin phyir ro/ /dgos na dbang bskur ma thob pa'i/ /bla ma skabs 'di'i tshogs zhing du/ /mi rung gal te rung na ni/ /bla ma sangs rgyas nyid yin zhes/ /bya ba dbang bskur thob nas yin/ /zhes gsungs pa yang drang don 'gyur/ /rdo rje sems dpa'i sgom bzlas kyang / /dbang ma thob par mi rung na/ /sgrib pa sbyong bsag gang du 'gyur/ /gal te dbang rjes byed ce na/ /de gnyis sngon 'gro min pa 'am/ /snang ba gsum po khrid min te/ /sngon 'gro sngon du mi dgos phyir/ /gal te snang gsum khrid min na/ /khrid tshul nyer brgyad nyer dgu zhes/ /dkar chag tu gsungs ji ltar bgrang / /mdor na snang ba gsum gyi sngon/ /sngon 'gro bcu gnyis 'gro dgos par/ /gang zag dbang po rab 'bring gsum/ /bkri ba'i gzhung shing nyid du ni/ /mi mthun sgrib sbyong yig brgya dang / /mthun pa'i tshogs bsags maNDal dang / /'khor ba'i nyes dmigs bsgom pa gsum/ /zhes dang / thun thams cad kyi mgor/ /dgos pa rnam pa bcu gnyis te/ /gnad dbab gsum dang sngon 'gro gsum/ /zhes dang khrid kyi dkar chag tu/ /thams cad sngon