[A:37a]rkang las/ /byung ba'i nyams su blang tshul ni/ /rje btsun rnams kyis bzhed ji bzhin/ /'jam dbyangs drug pa chos kyi rje'i/ /gsung las byung ba'i lam rim 'di/ /gtso bor skal bar ldan pa yis/ /nyams su blang ba'i rim pa yin/ /min yang rim gyis dkris nas ni/ /snod rung gyur nas blang bya yin/ /de'i yang thog mar dbang bskur ba/ /yin par ljon shing dag las ni/ /da ni bla med skal ldan pa/ /cig car 'jug pa'i mngon rtogs brjod/ /smin par byed pa'i dbang zhes pa/ /gsungs shing dag ldan nyid las kyang / /thun mong gis rgyud sbyangs pa dang / /skal ldan rgyud ma sbyangs kyang ni/ /'jug rung phyi ma'i gnyis pa las/ /zhes gsungs dbang gi chu bo las/ /sngar bstan ma zhugs rab 'bring gsum/ /de'i rab dbang gi snod du gsungs/ /gzhan yang gang zag rab 'bring gsum/ /dkri ba'i gzhung shing nyid du ni/ /dang po gang zag bla ma'i drung / /'ongs pa dbang dang dam tshig dang / /ldan byas bskyed pa'i rim pa dang / /snying por gces pa byed pa de/ khrid kyis bskyang bar 'dod pa na/ /zhes sogs gsungs na thog mar dbang / /nges par dgos pa gsungs pa nyid/ /khyed rnams rgyud dus dbang gi sngon/ /nges par snang gsum dgos zhes pa/ /snang gsum sngon du ma song bar/ /dbang bskur mi rung pa yin nam/ /dbang bskur song nas snang ba gsum/ /mi rung ba ni gang yin brtag /dang po ltar na yan gar du/ /dbang bskur byed pa med 'gyur zhing / /phyi ma ltar na lam 'bras ni/ /gnyis pa 'chad