[A:38b]bzhi ni/ /'grub par gsungs na de yi sngon/ /dbang ma bskur ba de dag gi /bshad pa 'byung ba ji ltar lags/ /rang gi brgyud pa'i bla ma sogs/ /rje btsun dam pa de rnams kyi/ /gsung la tshad mar mi byed par/ /rang bzo'i gya tshom smra ba la/ /yid brtan rung ngam shes ldan dag /gzhan yang khyed rnams la la dag /khrid kyi dkar chag sa paN gyis/ /mdzad pa min te lcang ra ba/ /kun dga' rgyal mtshan byas so zhes/ /mngon sum 'khyog por smra mod kyi/ /des na gsan yig rgya mtsho ru/ /khrid kyi dkar chag sa paN gyis/ /mdzad pa thob pa'i brgyud pa ni/ /chos rje nyid dang lo phu ba/ /zhes sogs yod na ji skad smra/ /gzhan yang skal ldan cig car la/ /snang gsum nges par mi dgos pa'i/ /shugs la skal dman rim gyis la/ /nges par dgos pa khas blangs pas/ /rim 'jug lam rim thams cad la/ /snang gsum yod pas khyab lags sam/ /rim gyis 'jug la skyon brjod pa'i/ /rigs pa rnams kyang ltar snang zhing / /byang chub sems bskyed ma byas par/ /sngags lam 'jug pa med ces pa/ /lam 'bras dus kyi dbang bskur sngon/ /sems bskyed sngags lugs zhes bya sogs/ /sngar srol med pa'i khyad chos rnams/ /ma byas pa la skyon brjod mod/ /des na sta gon dus su sngon/ /sems bskyed gur nas bshad pa dang / /de yi sngon du sems bskyed tshul/ /dbang chu'i tshig gis zin gyur na/ /de dag sems bskyed min pa 'am/ /yin kyang de 'dra'i sems bskyed kyis/ /go mi chod par smra na ni/ /yan gar dbang bskur byed tshe