[A:47a]pa skyed par byed pa khrid kyi rnal 'byor la bzhi'i/ dang po gzhung ji lta ba bzhin du bkri ba'i gzhung shing la/ gzhung ji lta ba bzhin du bkri ba dngos dang / de'i gnad bsdus nas nyams su len pa'i gdam ngag gnyis kyi/ dang po gzhi dam tshig la gnas par bya ba la gnyis/ dam tshig ma thob pa thob par byed pa dbang bskur ba dang / thob pa mi nyams par byed pa'i phyir dam tshig gi tshogs bstan pa'o/ /dang po ni dbang chu chen mo la sogs pa gsum dang / yab yum gyi bskyed rim rgyas bsdus rnams la brten nas yab yum gyi rdul tshon gyi dkyil 'khor du dbang bskur ba rnam par dag pa blang ba'o/ /gnyis pa la gsum gyi/ dang po bsrung ba'i dam tshig ni rtsa ltung 'khrul spong dang / gnyis pa bza' ba'i dam tshig ni bdud rtsi ril bu sgrub pa'i man ngag dang tshogs kyi 'khor lo'i cho ga rnams bshad cing nyan pa dang / gsum pa bsten pa'i dam tshig ni/ lam rim pa gnyis tshul bzhin du nyams su len pa ste zhes sogs dang / gnyis pa gnad bsdus te nyams su len tshul ni/ lam 'bras khrid kyi snying po ni/ /zhes sogs kyi don/ rje btsun dam pa 'di'i dgongs pas gzhung ji lta ba bzhin bkri ba'i khrid la lugs gnyis kyi dang po 'chad pa de'i tshe thog mar dbang bskur/ de rjes dam tshig gi chos skor dang bskyed rim yan lag dang bcas pa/ tshogs kyi 'khor lo'i cho ga rnams 'chad par gsungs pa dang / gnyis pa ni lam rim pa gnyis tshul bzhin du nyams su len pa ste zhes gsungs pas/ khrid kyi dmigs pa rnams phyogs mthun du