[A:47b]gsungs pa la/ gzhung ji lta ba bzhin du bkri ba dngos su mdzad pa'i lugs gcig dang / thog mar snang ba gsum gyi khrid mdzad/ de nas dbang bskur te lta ba 'khor 'das dbyer med sogs nas rim par gsungs pa la/ de'i gnad bsdus te nyams su len pa'i gdams ngag ces tha snyad mdzad nas/ 'og ma 'di rje btsun dam pa de nyid kyis rtsal du ston nas gnang ba 'dra bsam pa/ bdag lta bu dad pa la nor du byed pa'i lugs gnyis ka la dad pa mi 'dor bdag gi blo la shar ba de'i tshe/ rje sa paN gyi khrid yig dkar chag kyang dngos bstan dang sbyar nas mdzad do zhes brjod na/ rjes btsun dam pa de'i dgongs par e 'gyur/ bkri tshul phyi ma'i shlau ka gcig po'i snying po dang / gnyis las gsum byung dang / kun dang / bla ma'i drin ces pa'i gsung gi nus pa gong gi gnyis po la ngos e 'dzin/ mdor na shlau ka gcig po'i 'bru gnon gsal ba gcig mkhyen zhes pa ni dri ba'o zhes dang / lan la gzhung shing dngos las brtsams pa'i dri lan dang / gnad bsdus te nyams su blang tshul las brtsams pa'i dri lan gnyis su mdzad nas/ dang po la rjes btsun dam pa 'di'i bzhed pas gzhung ji ltar ba bzhin du bkri ba'i gzhung shing las/ gzhung shing dngos dang / de'i gnad bsdus nas nyams su len tshul gnyis su mdzad pa de'i ngos 'dzin thog ma nyid nas rgyu dus kyi dbang bskur te dam tshig la sogs pa bstan nas/ phyis snang ba gsum la sogs pa'i khrid kyi rim pa thams cad phyogs mthun du ston pa'i lugs gcig dang / thog mar snang ba gsum gyi khrid