[A:༡༣༦]བརྟེན། ཕག་གྲུ་དང་འབྲི་གུང་པ་འགལ་ཏེ་སྡེ་འཁྲུག་ལན་མང་དུ་བྱུང་ཞིང་། ཁྱད་པར་འབྲི་གུང་པ། ནམ་གྲགས་པ། གཡའ་བཟང་པ་གསུམ་གྱིས་གྲོས་བཤམས་ནས། ཕག་གྲུའི་སྟེང་དུ་བཀབ་པར་གཞོན་ནུ་བཟང་པོས་འགོ་བྱས་ཡར་སྟོད་ཀྱི་དམག་རོགས་འབྲས་མོ་བསྲུང་བ་ལ་བཞག་སི་ཏུ་རང་གིས་གཙོས་དཔུང་ཆེན་བྱང་ཁར་བཏོན་ནས་འབྲི་གུང་པར་ཇུས་ཉེས་བཏང་བས། གཡའ་བཟང་པ་ཡང་ཕྱིར་བྲོས། ཚལ་པ་དང་། ནམ་གྲགས་པ་གཉིས་ཀྱི་ཁྲོན་པ་རི་དང་གཡུ་རྩེ་བྲག་ལ་རྫོང་རྩིག་པ་སོགས་ཀྱི་བྱེད་པར་བརྟེན། ཕག་གྲུའི་དམག་རྣམས་གསང་མདར་ཡོངས་ཐོག་གཡའ་བཟང་པ་འབུམ་ཕྲག་འོད་ཀྱིས་གཉལ་དམག་རྣམས་ཁྲིད་ནས་ལྷུན་པོ་རྩེར་སླེབ་པའི་འཕྲོད་བྱུང་བ་དང་ཕྱིར་ལོག་སྟེ་འཁྲུགས་པས་འབུམ་ཕྲག་འོད་ཀྱིས་འགོ་བྱས་དགུ་བརྒྱ་ཙམ་ལྷུན་པོ་རྩེའི་ནང་ལ་བཅུར། དེ་རྗེས་གཉལ་དམག་ཡོངས་པ་རྣམས་ཀྱང་མང་དུ་བསད་ཅིང་གོ་མཚོན་རྣམས་ཐོབ། འབུམ་གྲགས་འོད་དཔོན་གཡོག་རྣམས་ཀྱིས་འབབ་ཁ་བླངས། གཉལ་ཤེལ་མཁར་སོགས་གཞིས་ཀ་རྣམས་སུ་རྫོང་དཔོན་བཏང་ཞིང་ཟུག་པ་བཙུགས།
དེ་ནས་སྐབས་ཤིག་ཆོས་རྗེ་བླ་མ་དམ་པས་བར་མཛད་ནས། སི་ཏུ་དང་དཔོན་ཆེན་རྒྱལ་བཟང་པ་གོང་དཀར་དུ་མཇལ་འཕྲད་མཛད། དཔོན་ཆེན་གྱིས་སི་ཏུ་ལ་བཟོད་གསོལ་བྱས་ཏེ་མཐུན་སྐབས། ནམ་གྲགས་ཀྱིས་ཤངས་མཐོང་སྨོན་ལ་བརྒྱབ་པས། དཔོན་ཆེན་གྱི་རོགས་སུ་ཕག་གྲུའི་དམག་རྣམས་ཆེན་པོས་འགོ་བྱས་ཕྱིན་པ་ཤབ་ཆུའི་ལྷོ་ཁར་འཁྲུགས་ཏེ། ནམ་པའི་དཔུང་རྣམས་བཅོམ། དེ་ནས་ཕག་གྲུའི་དམག་རྣམས་ས་སྐྱར་འགྲོ་བར་ཐག་བཅད་ཀྱང་། དཔོན་ཆེན་གཞན་གྱིས་མགོ་བསྐོར་གྱི་དབང་དུ་སོང་སྟེ་དམག་རྣམས་ཕྱིར་སློག་དེ་ནས་དཔོན་ཆེན་ས་སྐྱར་བྱོན་པས་བླ་མ་ཏི་ཤྲིའི་སྲས་པོ་གཉིས་ཀྱིས་བཙོན་དུ་བཅུག་པས། སི་ཏུས་དཔུང་ཆེན་གཙང་དུ་བཏེགས། ཞི་དྲག་གི་ཐབས་དུ་མའི་སྒོ་ནས་དཔོན་