[A:༣༤]ཨེ་མ་ངོ་མཚར་ཆེ༎
ལྷ་གཅིག་ཀོང་ཇོ་ཁྱེད༎
བདག་གི་ཚིག་ལ་གསོན༎
བཀྲ་ཤིས་ཉམས་སུ་དགའ༎
བོད་ཀྱི་རྒྱལ་ཁམས་ན༎
རིན་ཅེན་སྣ་ལས་གྲུབ༎
རྒྱལ་པོའི་ཕོ་བྲང་ན༎
མི་རྗེ་ལྷ་ཡིས་མཛད༎
སྲོང་བཙན་སྒམ་པོ་དེ༎
རིགས་གཟུགས་དཔལ་གྱིས་བརྗིད༎
མཐོང་ན་སེམས་ཡིད་འཕྲོག།
ཐུགས་རྗེ་ཆེན་པོ་ལགས༎
རྒྱལ་སྲིད་ཆོས་བཞིན་སྐྱོང་༎
འབངས་རྣམས་བཀའ་ལ་ཉན༎
རྒྱལ་བློན་འཁོར་འབངས་རྣམས༎
དགའ་སྐྱིད་གླུ་རུ་ལེན༎
ཆོས་ཀྱི་ཉི་མ་ཤར༎
དཔལ་གྱི་སྒྲོན་མེ་བཏེག།
རི་ལ་ཤིང་སྣ་ཚང་༎
ས་གཞི་ཡངས་པ་ལ༎
འབྲུ་སྣ་ལྔ་ཡི་ཚོགས༎
གོ་མཚམས་མེད་པར་སྐྱེ༎
གསེར་དངུལ་ཟངས་ལྕགས་སོགས༎
རིན་ཅེན་དུ་མ་ཡོད༎
གནག་རྟ་ལུག་གསུམ་རྒྱས༎