[A:༤༨]འཛིན་པ་དང་། ཁྱད་པར་འཕྲུལ་སྣང་གི་གཙུག་ལག་ཁང་འདི་ལ་ཕུད་དུད་མཛད་པའི་དམ་པ་རྣམས་ཀྱི་ལུང་བསྟན་མཐའ་ཡས་པ་ཡོད་པའི་ཁྲོད་ནས། དགེ་སློང་བྱང་སེམས་ཤར་ཕྱོགས་སྐུ་འཁྲུངས་པའི༎ ་གསང་སྔགས་འཆང་ཞིང་རྣལ་འབྱོར་ཆེན་པོ་ནི༎ ་སྙིང་པོའི་མཐའ་ཅན་སྐྱེས་ཆེན་དམ་པས་ནི༎ ་ཞལ་ཡང་བསྒྱུར་ཞིང་རྙེད་བཀུར་དམ་པ་མཛད༎ ་ཅེས་པའི་དོན་ཤར་ཕྱོགས་བཙོང་ཁའི་ཡུལ་དུ་སྐུ་འཁྲུངས་ཤིང་འཇམ་དཔལ་སྙིང་པོའི་མཚན་ཅན་གྱིས་ཤཱཀྱ་མུ་ནི་སྤྲུལ་སྐུ་ལོངས་སྐུར་ཞལ་བསྒྱུར་ཞིང་། ཆོ་འཕྲུལ་གྱི་མཆོད་པ་རྒྱ་ཆེན་པོ་མཛད་ཚུལ་གྱི་རྒྱལ་བ་བཙོང་ཁ་པ་ཆེན་པོའི་ལུང་བསྟན་མངོན་སུམ་གྱི་ཚད་མས་གྲུབ་པ་ལ། དཔའ་བོ་གཙུག་ལག་འཕྲེང་བས། བྱང་ཆུབ་སེམས་དཔའ་ཤར་ལྷོར་སྐུ་བལྟམས་པ༎ ་ཞེས་བཅོས་བྱས་ནས། དྭགས་པོ་སྒམ་ཚུལ་གྱི་ལུང་བསྟན་དུ་སྨྲ་བ་ནི། རང་ཉིད་ཆོས་བརྒྱད་ཀྱི་ཆང་གིས་བག་མེད་དུ་མྱོས་ཤིང་། བླང་དོར་ལ་བལྟ་བའི་མིག་ཕྱོགས་ལྷུང་དྲག་པོའི་རབ་རིབ་ཀྱིས་ལྡོངས་པས། རང་དང་རྗེས་སུ་ཞུགས་པ་མཐའ་དག་གཏམ་ཡ་མཚན་ཅན་དུ་འདོད་ཀྱང་། དོན་དུ་མཁས་པའི་དབང་པོ་འཇམ་མགོན་ས་སྐྱ་པཎྜི་ཏའི་གསུང་ལས། བློ་ངན་ལས་ལ་སྤྱོད་པ་ལ། ། རང་གི་འབད་པས་ཐོབ་པར་སེམས། ། ཁྱི་རྒན་ཡ་རྐན་ཕུག་པའི་ཁྲག་། རུས་པའི་བཅུད་དུ་བསྒོམས་ནས་འཆའ། ། ཞེས་པ་ལྟར་ཤེས་ལྡན་རྣམས་ཀྱི་བརྟགས་ཚེ་བཞད་གད་ཀྱི་གནས་ཏེ། སྒམ་པོ་ཚུལ་ཁྲིམས་སྙིང་པོ་གཉལ་བོད་སྙིར་འཁྲུངས་པས། ལྷོ་རྒྱུད་གཉལ་ཞེས་ཀུན་ལ་གྲགས་ཤིང་། མཁས་པ་ཀུན་གྱིས་གླེང་བའི་ལུང་བསྟན་ལ་བཟོ་བཅོས་བྱེད་པ་ནི་བྱེད་པ་པོ་རང་ཉིད་བླུན་པོར་དངོས་སུ་བསྟན་པའི་ཕྱིར་ན་ཚིག་གཞན་རྣམས་ལ་ལེགས་ཉེས་ཀྱི་རྟོག་དཔྱོད་བྱ་མ་དགོས་སོ། ། གཞན་ཡང་ཆོས་ཀྱི་རྒྱལ་པོ་ཐུགས་རྗེ་ཆེན་པོའི་ཐུགས་ཀར་ཐིམ་པའི་སྐོར་དེར་གཏམ་རྒྱུད་སྔོན་མ་འགའ་ཞིག་གི་ལུགས་བསྐྱར་བ་ལས། རང་ལུགས་དང་གཞན་ལུགས་ཀྱི་དབྱེ་བ་ཕྱེད་པའི་ཆོས་རབ་ཏུ་རྣམ་འབྱེད་ཀྱི་ཤེས་