[A:༥༢]རྒྱལ་པོའི་སྲས་ཤིག་མངལ་དུ་ཆགས་པ་སྐད་ཟེར་ནས་ཀོང་ཇོའི་སྲས་ཕྲོགས་ཏེ་ཁོང་རང་ལས་སྐྱེས་པ་ལྟར་བྱས་པས། རྗེ་བློན་རྣམས་ཐེ་ཚོམ་དུ་གྱུར་པས་ཞལ་ལྕེ་གཅོད་པའི་སྤོབས་པ་མ་བྱུང་ཞིང་། ཀོང་ཇོ་ཡིད་མ་རངས་པར་བོད་ཀྱི་ས་དཔྱད་བཟང་བ་འགའ་ཞིག་ཉམས་སུ་བཅུག་མི་རིང་བར་སྲས་ཞབས་འཛུགས་ཀྱི་དགའ་སྟོན་ལ་བཙུན་མོ་གཉིས་ཀྱི་ཕ་མིང་དང་བློན་འབངས་རྣམས་འཚོགས་པའི་དབུས་སུ། རྒྱལ་པོས་འབྲས་ཆང་གིས་བཀང་བའི་གསེར་གྱི་ཕོར་པ་སྲས་ཀྱི་ལག་ཏུ་གཏད་དེ།
སྣོད་གསེར་སྐྱོགས་ཆང་གིས་གང་བ་འདི༎
བུ་ཁྱོད་རང་གི་ཞང་པོའི་ལག་ཏུ་ཐོད༎
མ་གང་ཡིན་གྱི་ཡིད་ཆེས་དེ་ལ་བྱེད༎
གསུངས་པས། སྲས་ཀྱིས་རིན་པོ་ཆེའི་ཕོར་པ་རྒྱ་རྣམས་ཀྱི་ལག་ཏུ་གཏད་ནས།
ང་ཁྲི་སྲོང་ལྡེ་བཙན་རྒྱ་ཚ་ཡིན༎
རྣམ་སྣང་གང་གི་དོན་མི་འཚལ༎
གསུངས་པ་དང་། ཀོང་ཇོ་ཡིད་རབ་ཏུ་དགའ་སྟེ།
ཚེ་སྔོན་མའི་ལས་ཀྱི་འཕེན་པ་ཡིས༎
ང་རྒྱ་ནས་འོངས་པའི་བུ་མོ་ལ༎
རྗེ་འགྲན་མེད་རྒྱལ་པོའི་སྲས་ཤིག་འཁྲུངས༎
ཞེས་སོགས་ཀྱི་གཏམ་སྨྲས་ནས། སྔར་ས་དཔྱད་ཉམས་སུ་བཅུག་པ་རྣམས་བསོས་སྐད། དཔའ་བོ་གཙུག་ལག་འཕྲེང་བས། ཆོས་རྒྱལ་འཁྲུངས་ལོ་ལ་སྦ་བཞེད་བུ་