[A:69]tshom ma byed myur du songs shig dang / /sangs rgyas bstan la 'gro don dpag med 'byung / /zhes gsungs zhal bzhes thugs la bzhag pa'i tshe/ /gsung bzhin rgyal po'i lung gis dor ta sleb/ /go dan lung bsgrags spro ba bskyed nas ni/ /dgung lo drug cu rtsa gsum bzhes pa'i tshe/ /gsungs dran the tshom ma byas myur ba ni/ /byang phyogs sprul pa sde yi ling chu rtser/ /drug cu rtsa lnga me pho rta yi lor/ /rgyal po'i pho brang dam par chags phebs nas/ /go dan chen po rgyal po'i drung du ni/ /me mo lug lo'i zla ba dang po la/ /bla ma chen po chos rje khu dbon dang / /mjal nas chos kyi gsung gleng mang du mdzad/ /yo gur bande mang pos mtshams sbyar nas/ /mchod gnas bla ma kun gyi phud du khur/ /rgyal po chen po shin tu mnyes nas kyang / /bod kyi pag shi rnams kyi che 'don mdzad/ /hor gyi rgyal khams rdo rje theg pa la/ /bcug cing gzhan don dpag med byung ba'i tshe/ /'gro ba'i bla ma kun mkhyen chos rje de/ /sku tshe'i 'du byed btang ba'i ltas su ni/ /ngo mtshar can rnams gdul bya kun la bstan/ /tha skar zla ba'i sa g.yos byung ba'i tshe/ /bzang ngan zhus pas byang chub sems dpa' rnams/ /skyo ba skyes nas gzhan du bzhud pa na/ /chos nyid de yin bdag kyang der chud gsungs/ /sku la 'byung bzhi'i nad kyis bsnyung ba'i tshe/ /zhi ba lha dang 'phags pa klu sgrub dang / /'jam dbyangs mgon po ye shes sems dpa' dang / /spyan ras gzigs dbang rje btsun sgrol ma dang / /sa bcu'i dbang phyug byams pa mi g.yo mgon/ /zhal bstan mngon sum du ni gzigs nas kyang / /zhi ba lha yi zhal nas 'di skad gsungs/ /sdug bsngal kun 'byung 'bras bur shes par gyis/ /'byung bzhi'i lus la skye 'chi yod de gsungs/ /de ltar 'phags pa chen po klu sgrub kyis/ /'dus byas mi rtag la sogs chos kyi sdom/ /sgyu ma'i dpe brgyad mi rtag pa yang gsungs/ /'jam pa'i dbyangs kyis skye ba thams cad du/ /lhag pa'i lha mchog dam par zhal gyis bzhes/ /spyan ras gzigs kyi phyag gis sku la byugs/ /rje btsun