[A:89]dang / khyad par dbang gi chu bo ma nub pa lag len dang bcas pa dang / byin rlabs kyi brgyud pa ma nyams pa ngo sprod dang bcas pa dang / gdams ngag gi sarga ma log pa lung sbyin dang bcas pa dang / mos gus kyi bsam pa tshim pa drod tshad dang bcas pa zhus shing nos la mngon du mdzad pa yin no/ /yang chos kyi rgyal po de nyid la jo bo na ro ta pa'i sras kyi thu bo rje btsun pha na ping gu ba'i zhabs la btugs pa bla ma chen po mal gyo lo tsA ba zhes bya ba'i gsung rab/ rgyal sras dam pa snying po'i zhabs kyis mngon du mdzad pa'i rgyud la/ dpal ldan 'khor lo sdom pa rtsa ba'i rgyud le'u lnga bcu rtsa gcig pa/ dpal rdo rje mkha' 'gro/ he ru ka mngon par 'byung ba/ rnal 'byor ma kun tu spyod pa/ rnal 'byor ma bzhi kha sbyor gyi rgyud/ rdo rje phag mo mngon par 'byung ba/ mngon brjod bla ma/ sambu Ta thun mong gi bshad rgyud yin pas 'dir yang bsngos na bdun yod/ de las rtsa rgyud kyi skor la nag po dkyil 'khor gyi cho ga la sogs pa chos drug /'grel pa slob dpon kampa las mdzad pa sgrub thabs kyi gleng gzhi/ lam gyi yan lag rdo rje mkha' 'gro la 'grel pa bha wa ma/ kun du spyod pa'i man ngag la lo hi pa la sogs pa yan lag nyi shu dang bcas pa gsan la/ rgyud sde'i 'grel pa gsan mod/ ci nas kyang gnad che bar ma gzigs so zhes gsungs so/ /slob dpon la ba pas mdzad pa gnyis ka'i bshad sbyar/ slob dpon dril bu pa'i chos gsum/ rdo rje rnal 'byor ma mkha' spyod gnyis dang / rtsa dbu ma'i man ngag dang / rje btsun na ro ta pa nyid kyi chos drug la sogs pa phyag rgya chen po'i gdams ngag thun mong du grags pa dang / ma grags pa la sogs pa'i bar du de thams cad gsan cing thugs su chud par mdzad pa yin la/ bde mchog sdom pa 'byung ba dang / mkha' 'gro rgya mtsho'i rgyud gnyis mkhas pa chen po rgyal ba'i sde las