[A:94]ras gzigs la don yod zhags pa rtsa ba'i rgyud/ phyag stong spyan stong gi rtog pa rgyas pa/ zhal bcu gcig pa'i gzungs la sogs pa mtha' dag gsan pa las/ 'on kyang a mo gha pA sha'i rtag pa chen po ma gsan la/ za ma tog bkod pa'i rtog pa rgyas pa/ spyan ras gzigs ha la ha la'i rtog pa rgyas pa gnyis 'di'i tshe gsan zhes pa mi 'dug ces kyang gsungs so/ /phyag na rdo rje'i rgyud la/ 'phags pa legs par grub pa/ dpung pa bzang po/ rdo rje rnam 'joms/ de'i bshad rgyud ri rab chen po'i khang bu brtsegs pa/ rdo rje mi pham me ltar rab tu 'bar ba rmongs byed/ rdo rje phra mo thogs pa med pa'i gzungs/ 'phags pa stobs po che'i gzungs la sogs pa/ mthar drang srong klu la dmod bor ba'i gzungs dang / klu'i rgyal po sog ma med kyi rtog pa rgyas pa la sogs pa mtha' dag kyang gsan mod kyi/ 'on kyang 'phags pa rig pa mchog ni ma gsan la/ gzhan drag po gsum 'dul la sogs pa ding sang gi sangs rgyas kyi rgyud sde de dag la snying po ci zhig yod ces gsungs so/ /rig pa'i lha mo rnams kyi gzungs la/ gtsug tor dri med/ gtsug tor rnam rgyal/ gtsug tor gdugs dkar la sogs pa gzungs kyi rnam grangs bzhi bcu rtsa dgu gsan pa yin la/ de thams cad kyi thun mong ba gsang ba spyi rgyud/ bsam gtan phyi ma/ gser 'od dam pa/ 'og min gyi tshe dpag med la sogs pa bzhi bcu rtsa bdun tsam bzhugs te mdor na bya ba'i rgyud kyi rgyud yongs su rdzogs pa dang / 'ga' zhig dum bur zhugs pa dang bcas pa nyis brgya lhag pa cig gsan pa yin no/ /sprin chen po las char 'bab pa rlung gi dkyil 'khor zhes bya ba'i le'u drug pa gcig pu dang / sprin chen po rlung gi dkyil 'khor gyi le'u klu thams cad kyi snying po zhes bya ba gnyis po de ma gsan la/ gzhan rgyud dang rtog par grags pa de thams cad kyi dbang dang / rig pa gtad pa'i cho ga dang / las rgyas pa sna tshogs