[A:95]ji ltar bsgrub pa la sogs pa mtha' dag thob cing rtogs nas dpyis phyin pa zhig go /gzhan yang bla ma chen po ba ri lo tsA ba las brgyud de 'ongs pa bcom ldan 'das rje btsun khro bo'i rgyal po mig g.yo ba'i rtog pa rgyas pa la sogs pa dang / de sgrub pa'i thabs kyi bye brag bsam gyis mi khyab pa dang / bcom ldan 'das phyag na rdo rje'i gzungs dang / sgrub pa'i thabs la sogs pa dang / sngar gsungs pa'i rtog pa la sogs pa de dag so so'i lag len dang / sgrub pa'i thabs brgya rtsa la sogs pa/ sgrub thabs bsdus rgyas 'bring rnams dang / bla ma rdo rje gdan pa'i chos drug dang / las dang po pa'i bya ba la sogs pa ma lus pa gsan cing mngon du mdzad pa yin te/ mdor na 'di ni rgyud sde rin po che mtha' dag gi mdzod 'dzin pa yin no/ /gzhan yang chos kyi rje rin po che ma lus pa'i rgya mtshor gyur pa las pha rol tu phyin pa gsan pa ni/ 'phags pa sangs rgyas phal po che'i gzhung rab tu byed pa dang / 'dus pa rin po che'i tog dang / gzungs grwa lnga'i lag len so so'i rnam grangs gzhan dang bcas pa dang / gser 'od dam pa mdo sde'i dbang po'i rgyal po la sogs pa gzungs 'bum gyi lag tu blang ba'i rim pa ji snyed pa dang / 'phags pa sdud pa rtsa rkyang du bshad pa dang / yang de nyid panytsi ka sbyar te bshad pa'i lugs dang / shes rab kyi pha rol tu phyin pa nyi shu lnga pa la/ rtsa 'grel so so dang / thun mong du bshad pa dang / slob dpon 'phags pa klu sgrub kyis mdzad pa'i gzhung byang chub sems 'grel dang / rgyal po la gtam du bya ba rin po che'i phreng ba dang / rten 'brel bcu gnyis kyi gzhung dang / bshes pa'i spring yig dang / bstod pa'i tshogs la sogs pa du ma dang / slob dpon zla ba grags pas mdzad pa'i dbu ma la 'jug pa dang / slob dpon snga mas mdzad pa'i mdo kun las btus pa dang / slob dpon dbyig gnyen gyis mdzad pa'i phung po lnga'i rab tu