[A:96]dbye ba dang / smr-i ti dznyA na kIrti'i smra sgo mtshon cha dang / slob dpon dpa' bos mdzad pa'i skyes pa'i rabs kyi phreng ba dang / slob dpon zhi ba lhas mdzad pa'i bslab pa kun las btus pa'i rtsa ba'i bshad pa dang / spyod pa la 'jug pa dang / kun las btus pa dang / slob dpon chen po ma ti tsi tra dang dpal ldan phyogs kyi glang po dang / bram ze'i slob dpon gnyis la sogs pas bstod pa'i tshig ma lus pa 'grel pa dang bcas pa rnams dang / slob dpon tsandra go ma'i slob ma la spreng ba dang / gzhan gzhon nu ma bdun gyi rtogs brjod la sogs pa ma lus pa dang / gzhan yang jo bo rje lha gcig gi gdams pa dge bshes pu to ba las brgyud pa/ bshes gnyen dam pa gzhi ra ba zhes bya ba las nos pa/ byang chub sems dpa'i lam gyi rim pa sbyong tshul la sogs pa ma lus pa gsan cing mngon du mdzad pa yin no/ /gzhan yang brtse ba chen po de las gso ba'i gnas gsan pa ni/ bla ma chen po mal gyo las 'ongs pa'i yan lag brgyad pa rtsa ba dang 'grel par bcas pa dang / 'phags pa klu sgrub kyis mdzad pa'i sman gyi mdo lnga dang / dpyad gzhung bcu la sogs pa dang / a ma ra'i gdams pa'i rgyun gdams pa sum cu pa la sogs pa du ma dang / gzhan yang gso ba'i gzhung lugs gzhan la yongs su grags pa mtha' dag dang / thun mong ma yin pa'i gdams pa du mas brgyan pa dang bcas pa gsan cing mngon du mdzad pa yin no/ /de nas nyang stod du byon te dge ba'i bshes gnyen gtsang nag pa brtson 'grus seng ge zhes bya ba sras dang bcas pa'i sgros 'dzin pa rigs par smra ba chen po rkyang 'dur ba gzhon nu seng ge zhes bya ba'i drung du bsnyen cing gsol ba btab ste/ tshad ma rnam par nges pa dang / slob dpon zla grags kyi dgongs pa dbu ma tshig gsal ba dang / dza ya A nandas mdzad pa'i rtog ge tho ba zhes bya ba rnams gsan cing thugs su byon par mdzad pa yin no/ /de nas 'dzam bu'i gling gi rgyan dam par