[A:97]gyur pa kha che'i grong khyer dpe med du 'khrungs pa'i chos rje bsod snyoms pa chen po yongs su rdzogs pa'i paNDi ta mkhas pa rnams kyi gtsug gi nor bu bslab pa rin po che ma lus pa'i gter 'dzin pa kha ba can gyi ljongs thad du byon te/ shin tu gus pas lan mang du gsol ba btab cing bsnyen nas/ bdag nyid chen po de'i sras dang bcas pa las sgra dang tshad ma la sogs pa rgya cher gsan cing bzhugs pa'i skabs der/ nub phyogs a ti na wa rar sku 'khrungs pa'i bram ze'i slob dpon brda sprod pa chen po su ga ta shrI zhes bya ba dpal sa skya'i gtsug lag khang du byon pas de las gsan pa'i rim pa ni/ sgra kA la pa rtsa ba dang 'grel pa stong phrag drug dang bcas pa/ de'i ming tha dad dang sgrub pa su banti dang / byings sgrub pa ti ngan ta'i rab tu byed pa dang bcas pa mtha' dag gsan/ de gnyis tsandra pa'i lugs dang mthun pa paNDi ta chen po saM gha shrI las gsan cing / de nyid la sdeb sbyor gyi bstan bcos rin chen 'byung gnas/ snyan ngag gi bstan bcos chen po gsum dang chung ngu gsum dang / rgyan gyi bstan bcos dbyangs can gyi mgul rgyan stong phrag brgyad pa'i phyed man chad gsan/ yang mngon brjod kyi bstan bcos la yi ge re re'i mngon brjod gsan cing bsgyur/ a ma ra ko Sha'i rtsa ba rdzogs pa dang / sna tshogs gsal ba'i phyed cig gsan/ mkhas pa chen po de nyid la zlos gar gyi bstan bcos gzugs kyi snye ma cung zad gsan/ gzhan de las tshad ma'i gzhung lugs gsan pa la/ rnam 'grel le'u dang po'i 'grel pa stong phrag phyed dang bzhi pa gsan nas bsgyur cing zhus/ slob dpon thar pa'i 'byung gnas kyis byas pa'i rtog ge'i skad ces bya ba'i bstan bcos gsan cing bsgyur/ gzhan phyi rol gyi rig byed kyi tshad ma drang srong chen po gzegs zan gyis sbyar ba'i rtog ge'i bstan bcos rig pa zhes bya ba gsan pa yin no/ /gzhan yang de nyid las gsang sngags rgyud sde dang bstan bcos cung