[A:102]dang / bram ze'i 'grel pa dang bcas pa gsan nas nyid kyis bsgyur/ gtan tshigs kyi thigs pa a tsa ta'i 'grel pa dang bcas pa gsan/ sngar bshad pa'i rnam bshad rigs pa 'grel pa dang bcas pa dang / shes rab kyi pha rol tu phyin pa'i man ngag gi bstan bcos mngon par rtogs pa'i rgyan rtsa rkyang gi bshad pa dang / dznyA na shrIs mdzad pa'i lag gi brda zhes bya ba'i rab tu byed pa chung ngu dang / slob dpon Arya de was mdzad pa'i dbu ma bzhi brgya pa dang / dpal ldan dus kyi 'khor lo'i dbang mdor byas zhes bya ba de sngar gsan pa de dang bcas pa thams cad phyin ci ma log par thugs su chud pa yin no zhes rtogs par bya'o/ /de nas yang gangs can gyi khrod 'dir rig pa'i dbang phyug dam par grags shing gzhal bya'i gnas la blo gros rnam par dag pas dpyod par nus pa'i bdag nyid chen po phywa pa chos kyi seng ge'i gsung rab kyi sgros 'dzin pa/ phya dbang phyug seng ge zhes bya ba'i thad du dbu tshad dang / byams chos la sogs pa legs par gtugs shing mkhas par sbyangs te gzhan la ston par mdzad pa dang / rje btsun dpal ldan sa skya pa nyid kyi zhabs kyi rdul la yang dag par rjed pa'i sdom brtson dam pa skyabs kyi mtha'i mtshan dang ldan pa de dpal ldan sa skya nas rgyang grags gsum bgrod pa/ 'phrang gi gtsug lag khang na bzhugs pa na de nyid du byon nas dri ma med pa'i bstan bcos mtha' dag gsan pa ni 'di lta ste/ bcom ldan 'das mgon po byams pas mdzad pa'i theg pa chen po mdo sde rgyan rtsa 'grel dang / rgyud bla ma rtsa ba dang 'grel par bcas pa dang / dbus dang mtha' rnam par 'byed pa rtsa 'grel dang / chos dang chos nyid rnam par 'byed pa rtsa 'grel te/ mngon par rtogs pa'i rgyan ma gtogs pa'i byams chos phyi ma bzhi dang / slob dpon 'phags pa klu sgrub kyi dgongs pa la dbu ma rtsa ba'i shes rab dang / rigs pa drug cu pa dang / stong nyid bdun cu pa dang / zhib mo rnam par 'thags pa gzhan phra mo ci rigs pa dang bcas