[A:103]pa dang / bslab pa kun las btus pa'i 'grel bshad dang / slob dpon ye shes snying po'i dbu ma bden gnyis/ slob dpon zhi ba 'tshos mdzad pa'i dbu ma rgyan de ji snyed cig gsan cing mngon du mdzad pa las/ 'byed rnam pa gnyis la sogs pa 'ga' zhig ni dge ba'i bshes gnyen de dpal sa skya nyid du gdan drangs nas gsan pa yin no/ /de nas yang dpal sa skya pa brtse ba chen po nyid kyi thugs kyi sras sdom brtson dam pa sde snod 'dzin pa chen po/ byang chub sems dpa' lag na padmo'i bzhugs gnas/ sgrub pa nan tan du byed pa'i skyes bu gang dag bzhugs pa de rnams kyi zhabs 'bring 'gro ba rgyud yongs su dag pa 'ga' zhig gis byed pa yod do zhes yongs su grags pa'i sa cha na bzhugs pa'i rgyal sras dam pa de las rgyal ba'i yum shes rab kyi pha rol tu phyin pa dang / chos mngon pa'i sde snod dang / man ngag gi tshogs brjod kyis mi lang ba dang bcas pa gsan pa'i tshul cung zad brjod na/ de yang 'phags pa shes rab kyi pha rol tu phyin pa brgyad stong pa rtsa 'grel dang / mngon par rtogs pa'i rgyan rtsa 'grel legs par gsan cing / yum bar ma'i 'grel pa nyi khri snang ba 'di zhib tu phye ste bshad pa ma mdzad kyi lung legs par blangs pa yin no/ /yang rgyal sras thogs med kyi gzhung la chos mngon pa kun las btus pa rtsa 'grel gsan pa yin te/ 'di ni byang chub sems dpa' de dpal sa skya nyid du byon pa'i tshe zhus pa yin no/ /gzhan yang de las pha rol tu phyin pa'i lugs kyi gdams ngag gsan pa ni/ shar phyogs bhangga la'i slob dpon dI paM ka ra shrI dznyA na zhes bya ba bod du byon te/ rjes su gnang ba'i rim pa dge ba'i bshes gnyen sne zur ba nas brgyud pa/ jo bo nyid kyis mdzad pa byang chub sems dpa'i lam gyi sgron ma dang / bden pa gnyis bstan pa dang / dbu ma'i man ngag la sogs pa phra mo brgya rtsa brgyad ces grags pa thams cad dang / lam gyi