[A:104]dmigs pa de rnams kyi snying po lta bu byang chub lam gyi rim pa'i smon lam khrid tshul lgog chos dang / tshogs su bshad pa dang / khrid kyi bar thams cad dang / khyad par du byang chub kyi sems bsgom pa'i man ngag blo sbyong zhes btags pa de'i khrid tshul la sogs pa thun mong du ji ltar grags pa thams cad dang / gzhan yang byang chub sems dpa' chen po de la mnga' ba mtha' dag gsan cing / jo bo nyid kyi gdams pa dge bshes 'brom srong btsan na mgo ba nas brgyud pa'i skabs brgyad stan thog gcig tu bsgom pa'i gdams ngag dang / de las gzhan gsang sngags kyi gzhung gi gdams pa dpal gsang ba 'dus pa'i gdams ngag slob dpon klu sgrub kyi dgongs pa rim lnga stan thog gcig tu bsgom tshul dang / rje btsun na ro ta pa'i phyag rgya chen po'i gdams ngag chos drug ces grags pa dang / byang chub sems dpa' zla ba rgyal mtshan gyi dbu ma chen po dang / sdug bsngal zhi byed kyi gdams ngag rnams dang / rdzogs pa chen po dang / phyag rgya chen po nyams su blang tshul gyi bye brag shin tu mang po dang / tha na gcod la sogs pa'i bar te/ gdams ngag mtha' dag dang / de las gzhan 'jig rten dang 'jig rten las 'das pa'i phrin las dang / dngos grub sgrub pa'i thabs ji snyed pa mtha' dag dang byang chub kyi mchog tu sems bskyed pa jo bo rje'i lugs kyi phyag bzhes dang bcas pa thob cing mngon du mdzad pa yin no/ /yang sngar smos pa'i bsod snyoms pa chen po de nyid kyi zhabs la mngon par mchod pa'i shar phyogs bha ranta'i paNDi ta/ rtog ge ba chen po dA na shI la zhes bya ba las/ sgra'i bstan bcos a ma ra ko Sha'i le'u dang po yan chad kyi 'grel pa gsan/ tshad ma la 'grel pa brtag pa rtsa 'grel/ rtsod pa'i rigs pa 'grel pa dang bcas pa dang / tshad ma rnam par 'grel pa'i skabs skabs nas cung zad gsan cing gtugs pa tsam byas/ dznyA na shrI'i rab tu byed pa phra mo 'ga' gsan/ slob dpon dgra las rgyal ba'i byis pa 'jug pa'i rab tu byed pa dang /