[A:106]cad chos kyi rje nyid dang / bde bar gshegs pa'i rten la phyag mi 'tshal bar bde legs dang bsngags par 'os pa'i tshigs su bcad pa re re tsam bton nas gral la 'khod pa nas 'di skad smra ste/ nged kyi rigs thams cad kyis bla ma tshangs pa nas brtsams te deng sang gi bar du gau ta ma'i bstan pa la mi ltos/ dkon mchog gsum la skyabs su 'gro ma myong bas drang srong gi rigs rnam par dag pa kho bo cag yin no zhes dregs shing smra bar byed do/ /de'i dus su chos kyi rje 'dis gsungs pa ni/ ci tshangs pa de ni ston pa la shin tu gus pa yin na/ 'on kyang de gti mug che bas gnyid kyis non pa ma yin nam/ ji skad du/ rab mchog lag pa bzhi pa bcu drug phyed phyed phyogs kyi gdong pa can/ /bzlas dang nges pa'i cho ga shes shing nges brjod rig byed 'don pa po/ /dri med padma'i skye gnas tshangs pa de yang gnyid log gyur/ kho bo'i ston pa stobs bcu mnga' ba de ni rtag tu rab tu mnga' ba nyid du nam langs pa'o/ /zhes gsungs pas/ de dag ma bzod cing ma rangs pas 'bel ba'i gtam gyi skabs nyid du rgol ba ngan pa de re re nas phyung zhing pham par mdzad de/ mi smra ba'i brtul zhugs la bkod nas/ slar yang de thams cad kyi lta ba ngan pas bsnyems pa'i dri ma med par mdzad de ral pa'i khur bregs nas nyid kyi thad du rab tu byung ste/ nges par 'byung ba rin po che'i 'byor pa dang ldan par mdzad pa'i skabs su/ shAkya'i rgyal po de'i bstan pa la rma 'byin pa gang dag byung ba na slar yang 'dul bar bya'o zhes dgongs te 'di gsungs pa/ rgya mtsho'i gos can rgya mtsho'i mtha' klas sa chen 'di na lha chen po/ /'phrog byed dregs byed de dag lhar byed thub pa drang srong garga sogs/ /rgyas pa grog mkhar ba dang gzegs zan rkang mig ser skya'i rjes 'jug pa/ /thor tshugs shing shun lo ma'i gos can thal ba dbyu gu ku sha thogs/ /ral pa'i khur 'dzin mun dzas legs dkris ri dwags g.yang gzhi'i stod g.yogs can/ /sor ris gsum mtshan