[A:105] lhan cig dmigs nges kyi rab tu byed pa gsan/ gzhan chos phra mo 'ga' tsam bsgyur ba yin no zhes rtogs so/ /des na deng sang mkhas pa rnams la ji ltar grags shing bsngags pa de thams cad mngon du mdzad nas gzhan la gdams pa/ rang blo shes bya kun la ma sbyangs na/ /thams cad mkhyen pa nam mkha'i mtha' ltar ring / /de ltar dgongs nas rgyal dang de sras kyis/ /shes bya'i gnas kun legs par sbyangs zhes gsungs/ /zhes gdams te/ sbyang tshul dgos pa dang bcas pa mdo sde rgyan las so/ /de ltar na de dag gis ni bdag cag gi ston pa 'dis gang zhig mngon du mdzad pa'i shes bya'i gnas mdo tsam zhig brjod nas/ da ni de'i phrin las kyi bye brag cung zad smos na/ sngon skye dgu rnams kyi tshe lo bsam gyis mi khyab pa thub pa'i dus su byung ba/ thub pa chen po ser skya dang / drang srong rgyas pa dang / gzegs zan la sogs pa'i rjes su 'brang ba grangs can dang / rig byed pa dang / rigs pa can zhes grags shing / dbang phyug dang / tshangs pa dang / nyi mo long ba dang / nor lha'i bu dang / byin za la sogs pa mgu ba/ lho phyogs kyi rgyud du kun tu rgyu zhing rnam par 'phyan pa/ 'phrog byed dga' bo la sogs pa phyi rol pa'i ston pa drug gis dam bcas pa ni/ yu bu cag kha ba can gyi ljongs su song la/ de na gnas pa'i skye bo gau ta ma'i dge sbyong du khas 'che ba/ bud med kyi brtul zhugs 'dzin zhing lta ba dang spyod pa ngan pa la zhen pa de dag bzlog par bya'o zhes glengs te mthar gyis song ba dang / bdag gi bla ma rgol ba ngan pa'i khyu mchog gi spyi gtsug rnam par gnon pa'i seng ge 'di byang chub kyi snying po rdo rje gdan las byang phyogs su dpag tshad drug bgrod pa na/ mang yul skyid rong 'phags pa wa ti'i gtsug lag khang dang 'dab 'byor ba'i tshong 'dus kyi grong na bzhugs pa'i tshe/ sngar smos pa'i ston pa drug po der lhags pa na/ de thams